Тарих және құқық институтының студенттері мен магистранттары ҚР Орталық мемлекеттік архивіне барды

2024 жылдың 15 сәуірінде Абай университетінің Тарих және құқық институты «6В01601-Тарих» мамандығының 2-ші курс студенттері және «7М01603-Тарих: Тарихи білім берудегі цифрлық технологиялар» мамандығының 1-ші курс магистранттары академик Т.С.Садықов атындағы Қазақстанның жаңа және қазіргі заманғы тарихы кафедрасының оқытушысы Айдана Идрисовамен бірге Қазақстан Республикасының Орталық мемлекеттік архивіне экскурсияға барды.

Оқу залы бөлімінің қызметкері Қ.С.Қабдуш студенттерге мұрағаттың көпжылдық тарихы, оқу залындағы жұмыс ережелері және ағымдағы құжаттар көрмелері туралы айтып берді. Ал, архив қоймасына барғанда студенттер үлкен қызығушылық танытып, көкейдегі сұрақтарын қойды. Ұлттық архив қорының құжаттарын сақтауды қамтамасыз ету бөлімінің басшысы З.Ж.Құлмұханбет әртүрлі құжаттардың сақтау шарттарын түсіндіріп, студенттердің барлық сұрақтарына жауап берді. Архив құжаттарын қалпына келтіру және цифрландыру бөліміне экскурсия ерекше назар аударды. Бұл бөлімнің басшысы А.М.Айтқазы студенттерге цифрландыру үдерісін көрсетті. Студенттер мен магистранттар құжаттарды қалпына келтірудің толық циклін де көрді. Бұл қағаздың жойылу процесін тоқтатуға, құжаттардың қызмет ету мерзімін ұзартуға және болашақ ұрпақ үшін сақтауға мүмкіндік береді. Экскурсия нәтижесінде студенттер мен магистранттар архив жұмысы туралы көп мағлұмат алып, оқу залында жеке архив қорларымен жұмыс істеуге қызығушылық танытты.