қазақша · русский · english
 
 
 
15.09.2022

Жапондық алаштанушы ғалыммен кездесу

 

2022 жылғы 13 қыркүйекте Абай университеті халықаралық серіктес университеттермен ғылыми байланысты нығайту мақсатында Тарих және құқық институтының ұйымдастыруымен жапондық ғалым, Хокайдо университетінің Славян орталығының ортаазиялық зерттеулер профессоры Томохико Уямамен кездесу өткізіліп, пікір-талас алаңы құрылды.

 

Кездесуге Абай атындағы ҚазҰПУ-дың әлеуметтік даму жөніндегі проректоры Шыңғыс Нұрланов, Тарих және құқық инстиуттының директоры Ғабит Кенжебаев және институт ғалымдары мен жас ізденушілері, білім алушылары қатысты.

 

Ғылыми жиында ғалым Томохико Уяма Жапония сыртқы істер министрлігінің сыртқы саясат тарихы мұрағатынанан Алаш Орда қозғалысына қатысты Р.Мәрсекеов жайында тың құжаттар және Қазақстан тарихына қатысты өзінің табанды зерттеулері туралы дәріс оқыды. Дәріс барысында Жапон елінің ғалымы Т. Уяма 1919 жылы қаңтарда Жапония үкіметіне Алаш-Орданы (Қазақ автономиялы үкіметін) тану және оған көмек көрсету туралы өтінішін, сондай-ақ Сыртқы саясат тарихы мұрағатынан алынған осыған байланысты құжаттар жайында баяндадама жасады. Бұл құжаттарда Р. Мәрсеков та қазақтардың болашақта көршілес мұсылман халықтарымен бірге тәуелсіз мемлекет құруға деген ұмтылысын білдіріп, Алаш-Орданың Париж бейбіт конференциясына өз өкілін жіберу жөніндегі жоспарлары туралы атап өтті.

 

Жиынға еліміздің алаштанушы ғалымдары - ҚР ҰҒА Академигі, т.ғ.д., профессор Қойгелдиев Мәмбет Құлжабайұлы, Л.Н. Гумилев атындағы Еуразия ұлттық университеті «Алаш» ғылыми-зерттеу институтының директоры Сұлтан-хан Аққұлы қатысып, Х.Ғаббасов, Р.Мәрсеков, М.Шоқай туралы өз зерттеулеріндегі ой-пікірлерімен бөлісті. Жиын соңында қатысушы ғалымдар мен білім алушылардың сауалдарына жауап берілді.

 

Бұл кездесу қазақ мемлекетілік тарихында айшықты орын алатын Алаш тарихы бойынша құнды дерек беретін талқылау болды.

 

  alt=  

 

  alt=  

 

  alt=  

 

  alt=  

 

  alt=  

 


Тарих және құқық институты




Кері оралу