Мектеп оқушылары үшін таныстыру экскурсиясы ұйымдастырылды

2025 жылдың 9 қазан күні Абай атындағы ҚазҰПУ-нің жаратылыстану және география факультетінде Талдықорған қаласындағы «INNOVERSE TALDYQORGAN» мектебінің 11 сыныбының 70 түлегіне таныстыру экскурсиясы өткізілді.

Іс-шараның ұйымдастырушылары: Қабылдау комиссиясының жауапты хатшысы Нұрмахан Әуесбекұлы, жаратылыстану және география факультетінің директорының тәрбие ісі жөніндегі орынбасары Серік Бәкіров, факультет бойынша кәсіби бағдар беруге жауаптылар: Жанар Жаксибаева, Клара Сарсекова.
Іс-шараның негізгі мақсаты - оқушылардың жаратылыстану пәндері мен химия-биологиялық білімге деген қызығушылығын арттыру, танымдық ой-өрісін кеңейту, оқушыларды факультет мамандықтарымен таныстыру, оларды қызықтыратын мәселелерді талқылау.

Оқушылар оқу үдерісімен танысты, химия кафедрасының зертханаларына барды: бейорганикалық, аналитикалық және органикалық химия. Балалар үлкен қызығушылық танытты. Мұндай экскурсиялар ғылыми-танымдық ой-өрісін кеңейтіп, жаңа білімге деген қызығушылықты дамытып қана қоймай, ең бастысы түлектерге болашақ мамандық ретінде саналы таңдау жасауға мүмкіндік береді.