қазақша · русский · english
 
 
 
Математика, физика және информатика институты
 Бекпатшаев Мұрат Жүсіпәліұлы
Институт директоры
физика-математика ғылымдарының кандидаты, доцент
Төле би,86 , 202 кабинет
 +7(727) 272-75-87, 87054018866
bekpatsha@bk.ru

 Хамраев Шерипидин Итахунович
Директордың оқу ісі жөніндегі орынбасары
Техника ғылымдарының кандидаты, доцент
Төле би, 86, 203 кабинет
 +7(727) 261-15-76
hamraev_sh@bk.ru

 Біргебаев Ахтай
Директордың тәрбие ісі жөніндегі орынбасары
Физика-математика ғылымдарының кандидаты, университет профессоры
Төле би, 86, 201 кабинет
 +7(727) 272-82-72
ahtai@mail.ru

 Уалиев Заир Гахипович
Институт директорының ғылым және халықаралық байланыс қызметі бойынша орынбасары
Техника ғылымдарының докторы, профессор, ҚР ҰИА академигі
Толе би, 86, 224 кабинет
 +7(727) 272-69-09
z.ualiyev@mail.ru

МАТЕМАТИКА, ФИЗИКА ЖӘНЕ ИНФОРМАТИКА ИНСТИТУТЫ

 

Абай атындағы ҚазҰПУ-нің Математика, Физика және Информатика институты сонау 1928 жылы Физика-Математика бөлімі болып құрылған. Ол осы университеттің алғашқы факультетінің бірі. Алғашында факультетте құрамында 9 профессор-оқытушы бар «Техника, физика және математика» кафедрасы жұмыс істеп, кафедраны профессор Ермеков Әлімхан Әбуұлы басқарды. Ол соның алдында Ресейдің Томск қаласындағы Технология институтын бітірген екен. Профессор Әлімхан Ермеков алғаш рет қазақ тілінде жарық көрген «Жоғары математика курсы» атты оқулықтың авторы. Бұдан кейін көрнекті ғалым-педагогтар С.Х. Бақаев, Б.М. Ровинский, А.О. Жәутіков, М. М. Маркович, М.К. Сәтпаев, Б.С. Жаңбырбаев, Г. С. Сарбасов, Б.К. Накесбеков, Г.А. Тлеубергенова, Б. Т. Төлегенов, Р.Б. Башаров, Б.К. Бақтыбаев, Е.У. Медеуов, Е.Б. Шалбаев, К.К. Истеков, Ғ.У. Уәлиев, М.А. Бектемесов, М.Ж. Бекпатшаев, Ә.С. Бердышев декан қызметін атқарған. Бүгінде факультет Математика, физика және информатика институты болып аталады. 2018 жылдан бері институтты ф.м.ғ.к., доцент Бекпатшаев Мұрат Жүсіпәліұлы басқарады.


Уақыт талабына сай жұмыс істеген факультетті 1931 жылы алғашқы 17 мұғалім бітіріп шықты, оның үшеуі М. Жылқыбаев, М. Әмірбаев және Е. Әбдірахмановтар институтта жұмысқа қалдырылған.


ҚазПИ түлектерінің (1934) арасындағы айрықша дара тұлға - О.А. Жәутіков еді. Ол физика-математика ғылымдарының докторы, профессор атанды. Қазақстан Ғылым академиясының академигі, ғылымға еңбек сіңірген қайраткер, Қазақ КСР Мемлекеттік сыйлығының иегері (1976). О.А. Жәутіковтың жетекшілігімен 15 ғылым кандидаты даярланды және ол өзінің есімі берілген Алматы қаласындағы Республикалық арнайы физика-математика мектебін ұйымдастыруға көп күш-жігерін жұмсады.


Өткен ғасырдың 40-жылдары факульттетте физика, математикалық анализ, жоғарғы математика, элементарлық математика және математиканы оқыту әдістемесі кафедралары ашылды. Оқытушылар қатары Ұлы Отан соғысына қатысып, туған еліне қайта оралған КазПИ-дің түлектерімен толыға бастады. Олардың арасында И.Б. Мадин, Т.К. Құлахметов, Х.К. Құрманалин және К.А. Айманов болды.


1950 - 1960 жылдар аралығында оқу орындарының алдына политехникалық білім беру бағыттарын күшейту мәселелері қойылды. Осы аралықта Айманов Кенжалы Айманұлы (Абай атындағы ҚазПИ-дің физика-математика факультетінің түлегі) методист-физик ретінде алғашқылардың бірі болып осы мәселелерді № 18 мектепте іске асыра бастады. 1964 жылы кафедрада « Жалпытехникалық пәндер, еңбек және физика» (ОТД Т и Ф) мамандығы ашылып, осы бағытта 1973 жылға дейін мамандар дайындады. Осы аралықта ТШЭ, физика және радиоэлектроника лабораториялары жұмыс істеді.


Уақыттың қиындықтарына қарамастан, сол кезде факультетте екпінді ғылыми зерттеу жұмыстары жүргізілді. Ғылыми-зерттеу секторларына қатысқан бітірушілер оқытушылар қатарын толықтырып, факультеттің ұлғайюына, әр бағыттағы кафедралардың ашылуына үлкен әсер етті. Осы мезгілде «Физика» кафедрасын профессорлар Ровинский Р.М., Литвинов В.Ф. басқарды.


Физика-матемамика факультеті ұзақ жылдар бойы физика мен математикадан орта мектеп мұғалімдерін дайындауда елеулі еңбек атқарып келеді. Бір кездері факультетте «Физика-химия», «Жалпы техникалық пәндер және химия», «Математика-сызу» бөлімдері бойынша да мамандар дайындалды.


Қазіргі таңда математика, физика және информатика институтында 4 кафедра қызмет жасайды:
«Физика» кафедрасы ;
«Математика және математикалық моделдеу» кафедрасы;
«Информатика және білімді ақпараттандыру» кафедрасы;
«Математиканы, физиканы және информатиканы оқыту әдістемесі» кафедрасы.


Жұмыс сапасын қамтамасыз етудің негізгі құралының бірі жоо ұлттық және әлемдік рейтингтерге қатысуы екені белгілі. Институт мамандар дайындаудың математика, физика және информатика білім беру бағдарламалары бойынша республикалық рейтингте педагогикалық мамандар дайындайтын жоғары оқу орындары арасында бірінші орында. 5В010900-Математика, 5В011000-Физика, 5В011100-Информатика, 6М010900-Математика, 6М011000-Физика, 6М011100-Информатика мамандықтары ASIIN (Германия) агенттігінде халықаралық аккредитациядан өтті. Тәуелсіз аккредитациа және агенттігінің аккредитациалау кеңесі отырысында және (НААР) рейтінгінде, 5В012000. 6М012000 - Кәсіптік оқыту бағдарламасын арнайы халақаралық аккредтациалау туралы шешім қабылданды. Академиялық ұтқырлық бағдарламасы бойынша студенттер мен магистранттар Германии, Литва, Польша елдерінде білім алады. Магистранттар мен докторанттар жақын (НГУ, МГПУ, КПУ; (Россия)) және алыс (Германия, Польша, Литва) шет елдерде ғылыми тағлымдамадан өтеді. Шет елдік жоғары оқу орындарымен бірлескен қатынастар халықаралық конференциялар, форумдар ретінде өтіп ғалымдардың идеялары талқылаудан өтіп, халықаралық ғылыми жобалар ретінде танылуда. Шет елден шақырылған алдыңғы қатарлы белгілі ғалымдар магистранттар мен докторанттарға және кафедра оқытушыларына лекциалар оқып, ғылыми кеңесші ретінде қызмет көрсетеді.


Жыл сайын студенттер мен магистранттар үшін СҒЗЖ жұмыстарының нәтижелерін баяндау үшін арнайы ғылыми-практикалық конференция ұйымдастырылады. Оның нәтижесі бойынша жақсы жұмыстар республикалық конкурстарға ұсынылады. Студенттер мен магистранттар әр жылдары республикалық олимпиадаларға, конкурстарға қатысып жүлделі орындарға ие болуда. Сонымен қатар студенттер мен магистранттар институттың ғылыми және қоғамдық жұмыстарына қатысып, қала өміріндегі іс-шараларда белсенділік көрсетуде. Институтта республикалық КВН жеңімпаздары, күрестен, веложарыстан, т.б. спорт түрлерінен халықаралық жарыстардың жеңімпаздары, спорт шеберлері білім алуда.


Институт өз алдына жеке ғимаратта орналасқан. Оның аудиториялық фонды лекциялық және оқу аудиторияларынан, 10 компьютерлық кластардан, 12 физикалық және техникалық бағыттағы оқу лабораторияларынан, оқу залынан және электрондық ресурстар залынан, акт залынан тұрады. Математика, физика және информатика институты базасында STEM-парк жұмыс істеп жатыр.


Бүгінде, институтың алдына қойған негізгі мақсаты- еңбек нарығының заманауи талабына сай сапалы білім беру.

 

2952
 
 
 
 
 
Besucherzahler