қазақша · русский · english
 
 
 
 Жұмагұлов Болат Сағидоллаұлы
Тарих және құқық институтының директоры
Тарих ғылымдарының кандидаты, профессор
Жамбыл көшесі 25
 +7(727) 291-03-09
jumagulov-bolat@mail.ru

 Мұратқазин Мұхтар Мұратқазыұлы
Директордың ғылыми істер жөніндегі орынбасары
Тарих ғылымдарының кандидаты
Жамбыл көшесі, 25
 8-701-668-86-62
muratkazin@bk.ru

 Қамбай Гүлім Жалғасынқызы
Директордың оқу ісі жөніндегі орынбасары
Магистр
Жамбыл көшесі, 25 №10 оқу ғимараты, 5 қабат, №502 кабинет
 +7(727)-291-47-89, 8-747-843-78-59
kambai_gulim@mail.ru

 Манапбаев Нұрболат Бекболатұлы
Директордың тәрбие ісі жөніндегі орынбасары
Магистр
Жамбыл көшесі, 25, №10 оқу ғимараты, 5 қабат, №503 кабинет
 8-707-133-19-80, +7(727)-291-78-24
nur.ak.80@mail.ru

 

Университеттегі алғашқы құрылымдардың бірі, Тарих және құқық институтының шежіресі 1934 жылы құрылған Тарих факультетінен бастау алады. Институт алғашында Тарих-география факультеті деп аталды. 1928-1931 жылдардағы ҚазМУ-дың (ҚазМПИ) тұңғыш ректоры, Қазақстан тарихы бойынша тамаша зерттеулердің авторы, профессор С.Ж. Асфендияров Тарих-география факультетінің алғашқы деканы. Факультеттің негізі қаланып, қалыптасуында өзіндік із қалдырған қазақтан шыққан тұңғыш тарихшы ғалымдардың бірі Қазан қаласындағы Шығыс педагогика институтының түлегі Халел Мұхамеджанұлы Әділгереев болатын. Сондай-ақ факультеттің қоғам талабына сай дамуына үлес қосқан Халықаралық қатынастар және құқықтану факультетінің негізін қалаған ҚР ҰҒА академигі, профессор Ғ.С. Сапарғалиев пен ҚР Парламенті Мәжілісінің депутаты, саяси ғылымдарының докторы, профессор К.Н. Бұрхановтың есімдері факультет тарихында аотын әріптермен жазылуда.


Институты кезінде Ұлы Отан соғысының ардагерлері, ғалым-ұстаздар О.С. Сексенбаев, А.А. Ахметжанов, Ж.Ешмұратов, С.Қ. Бақшыловпен қатар маман кадрлар дайындау ісіне қомақты үлес қосқан Б.Ш. Шымырбаева, Т.Ж. Шойынбаев, Ж.Қ. Қасымбаев, Б.Б. Ирмуханов, В.Садықова, Ө.Ә. Өмірзақов, Ж.Ө. Өтебалиев сынды оқытушы-профессор қызмет атқарады.


Әсірсе, отандық тарих ғылымының дамуында терең із қалдырған тарих ғылымдарының докторы, профессор Ж.Қ. Қасымбаев орта және жоғары оқу орындарында Қазақстан тарихының жеке пән ретінде тереңдетіп оқылуына үлкен үлес қосты. Оның қаламынан туған ғылыми еңбектері бүгінгі таңда да өзінің өзектілігін жойған жоқ.


Қазіргі таңда институтта 1000-ға жуық шәкірт білім алуда. Оларға 90-нан астам білікті профессор-оқытушылар құрамы дәріс береді. Оның ішінде: бір ҚР ҰҒА академигі және бір корроспендент-мүшесі, 23 ғылым докторы, профессорлар, 37 ғылым кандидаттары, доценттер, 4 PhD докторлары бар.


Бүгінгі таңда Тарих және құқық институты құрамында Мемлекеттік жалпыға міндетті білім беру стандарттарына, типтік оқу жоспарларына және ҚР-ның басқа да нормативті құжаттарына сәйкес келетін бакалавриат, магистратура және (PhD) докторантура мамандықтары бойынша жоғары дәрежелі кадрларды дайындауды жүзеге асыратын 4 кафедра жұмыс істейді. Жыл сайын кафедралардың ғылыми-әлеуеті сапасы жоғарылап, заман талабына сай жаңа мамандармен толығуда. Мамандар арасында осы қара шаңырақтан білім алған үздік шәкірттері де еңбек етуде.


Бүгінде институтта сапалы білім беруге, ғылыми-зерттеу саласындағы жоғарғы стандартты іске асыруға, кәсіптік этиканы сақтауға бағытталған тұрақты дәстүр қалыптасқан. Сабақ берудің жоғары сапасына заман талабына сай білім беретін профессор-оқытушылар ұжымы кепілдік береді.


Тарих және құқық институтының түлектері мемлекеттік үлгідегі диплом алады. Олар басқару аппараттарында, министірліктерде, құқық қорғау органдарында, ұлттық компанияларда, ғылыми-зерттеу мекемелерінде, жоғарғы және орта білім беру жүйесінде жұмыс істей алады. Белсенді халықаралық ынтымақтастық пен студенттердің, магистранттары мен докторанттар академиялық ұтқырлығы қамтамасыз етілуде.


Институтта 2-3 курстарда студенттерді әскери дайындықпен де қамтамасыз етумен қатар, шетелдердегі жоғарғы оқу орындарында білімін жалғастырғысы келетін студенттер үшін ынтымақтастық жөніндегі тікелей келісім-шарттар негізінде елеулі жеңілдіктер де қарастырылған.


Шәкірттердің ғылыми-шығармашылық қабілеттерін қалыптастырып, дамыту мақсатында студенттердің ғылыми үйірмелері, студенттердің өзін-өзі басқару Кеңесі, жастар клубтары, спорт секциялары, көркем өнерпаздар үйірмелеріне жұмыс істейді.


Жоғары білікті мамандар дайындауға институттың материалдық-техникалық базасы толық сай келеді. Сабақтар арнайы жабдықталған лингофон кабинеттері мен компьютер сыныптарында және дәрісханаларда интерактивті тақта, мультимедиялық проектор, жылжымалы экран сияқты техникалық құралдардың көмегімен және әлемдік озық методикалық әдіс-тәсілдерді қолдана отырып өткізіледі. Сондай-ақ әрқайсысы 50 орындық екі оқу залы бар. Оның кітап қоры студенттердің оқып үйреніп, білім алуға деген сұраныстарын толық қамтамасыз етеді.


Институтта әр жылдары қызмет атқарған көрнекті ғалым-ұстаздар мен қоғам қайраткерлерінің ісін әрі қарай жалғастырып келе жатқан Қазақстан Республикасы Ұлттық ғылым академиясының академигі, көрнекті-ғалым, алаштанушы М.Қ. Қойгелдиев, Қазақстан Республикасы Ұлттық ғылым академиясының корреспондент-мүшесі Р.Б. Әбсаттаров, ғылым докторлары, профессорлар А.Н. Құдайбергенов, Ғ.Қ. Халидуллин, Б.О. Жангуттин, Х.А. Сүтеева, М.К. Төлекова, К.Р. Несипбаева, С.С. Сайфулмаликова, Ж.А. Құдайбергенова, А.Ш. Махаева, Б.Х. Төлеубекова, Б.К. Абдыгулова, Е.А. Бурибаев, Г.Р. Рамазанова, Ж.А. Хамзина, А.Р. Бижанова т.б. оқытушы-профессорлар студенттерді қазіргі заман талабына сай білім нәрімен сусындатуда.


Тарих және құқық институты - бүгінде ел тұғырын биік ұстап, «Мәңгілік ел» идеясындағы қазақ елінің тарихын асқақтататын, бабалар ізінен нәр беретін, батырлық рухының негізінде отансүйгіштікке тәрбиелейтін, ел басқарған хандар мен би-шешендердің тарихи танымын меңгерте отырып, озық мемлекеттің білім көкжиегіне жетелейтін сапалы білім ордасы.


Бүгінгі таңда әр жылдары Тарих факультетін шебер басқарған С.Ж. Асфендияров, Х.М. Әділгереев, А.П. Чижов, С.Қ. Бақшылов, Н.К. Киікбаев, Ж.А. Амантаев, Қ.Ш. Шүлембаев, Ш.Ә. Әділханов, Н.С. Байғабылов және т.б. ізін жалғастырып келе жатқан факультеттің 1978 жылғы түлегі тарих ғылымдарының кандидаты, профессор Б.С. Жұмағұлов басқарған институт ұжымы «Елімізге қажетті кадрларды дайындау!» деген ұранды ту етіп, тәуелсіз мемлекетімізге заман талабына сай кәсіби білікті мамандар дайындауда аянбай еңбек етіп келеді.

 

ИНСТИТУТ МІНДЕТІ:

- сапалы білімдік қызметті әлемдік стандарттар деңгейінде қамтамасыз ету, ол өз кезегінде комплекстік және дәйекті негіздік қызметтің принциптерін жүзеге асыру;
- оқу бағдарламасының мазмұнын педагогикалық білімді жаңарту, интеграциялық, пәнаралық сипатқа бағытталған және оқу үдерісіне әрдайым жаңа білімді, ең тиімді және сұранысқа бейім білімдік тәжірибе енгізу;
- оқыту қызметінің сапасын көтеру және біртұтас үш сатылы кәсіби білім моделінің деңгейін сабақтастыру (бакалавриат-магистратура-докторантура PhD);
- білім алушылар мен ОПҚ академиялық мобильділік бағдарламасын дамыту;
- оқу процесіне үлкен масштабта инновациялық жолдарды енгізу (оқу бағдарламасының сипаты мен формасы негізіндегі оқу траекториясының кредиттік-модульдік құрылымы);
- инновациялық оқыту технологиясы негізінде оқу-методологиясын қамтамасыз етуін жетілдіру мен оқу процесін ұйымдастыру;
- инновациялық сипат негізіндегі көрсетілген оқу бағдарламасында алға қойған жолдарды жүзеге асыруда лайықты инфраструктура құру.


ИНСТИТУТТЫҢ ҚҰРЫЛЫМЫ:

Директораттан және 4 кафедрадан тұрады:
Тарих және құқық институтының директоры - т.ғ.к., профессор Жұмағұлов Болат Сағидоллаұлы
Директордың оқу ісі жөніндегі орынбасары - Қамбай Гүлім Жалғасынқызы
Директордың ғылыми істер және халықаралық қатынастар жөніндегі орынбасары - Мұратқазин Мұхтар Мұратқазыұлы
Директордың тәрбие ісі жөніндегі орынбасары - Манапбаев Нұрболат Бекболатұлы

 

ИНСТИТУТ КАФЕДРАЛАРЫ:

1. Академик Т.С. Садықов атындағы Қазақстан тарихы кафедрасы - кафедра меңгерушісі, ҚР ҰҒА академигі, т.ғ.д., профессор Қойгелдиев Мәмбет Құлжабайұлы.
2. Әлем тарихы кафедрасы - кафедра меңгерушісі, т.ғ.к., доцент Ермұқанов Еркін Нұрадинұлы.
3. Құқықтану кафедрасы - кафедра меңгерушісі, з.ғ.д., профессор Бөрібаев Ермек Әбілтайұлы.
4. Саясаттану және әлеуметтік-философиялық пәндер кафедрасы - кафедра меңгерушісі, саяси ғ.д. Симтиков Жомарт Құдайбергенұлы.


ИНСТИТУТ МАМАНДЫҚТАРЫ:


БАКАЛАВРИАТ
5В011400 - Тарих (педагогикалық)
5В011500 - Құқық және экономика негіздері
5В013000 -Тарих - Дінтану
5В020100 - Философия
5В020300 - Тарих (ғылыми)
5В020400 - Мәдениеттану
5В020600 - Дінтану
5В030100 - Құқықтану
5В050100 - Әлеуметтану
5В050200 - Саясаттану
5В050500 - Аймақтану (араб, қытай, парсы және жапон тілдерін оқытумен)

 

МАГИСТРАТУРА
6М011400 - Тарих (педагогикалық)
6М011500 - Құқық және экономика негіздері
6М020100 - Философия
6М020300 - Тарих (ғылыми)
6М020400 - Мәдениеттану
6М020600 - Дінтану
6М030100 - Құқықтану
6М050100 - Әлеуметтану
6М050200 - Саясаттану
6М050500 - Аймақтану (араб, қытай, парсы және жапон тілдерін оқытумен)

 

PhD ДОКТОРАНТУРА
6D011400 - Тарих
6D020100 - Философия
6D020300 - Тарих (ғылыми)
6D050100 - Әлеуметтану
6D050200 - Саясаттану

 

 

Қазақ Хандығының 550-жылдығына арналған " ҰЛЫ ДАЛА ЕЛІ" атты республикалық тарихи - мәдени экспедициясы аясында Наурызбай батыр ескерткішін аралау 

 

 

6557
 
 
 
 
Besucherzahler
 
Besucherzahler