қазақша · русский · english
 
 
 

 

Шәкіртақы және әлеуметтік жәрдемақымен қамтамасыз ету

 

Мемлекеттік білім гранты негізінде білім алушыға мемлекеттік шәкіртақы тағайындау және төлеу тәртібі, мемлекеттік шәкіртақы мен оған қосылатын үстемеақылар мөлшері ҚР Үкіметінің қаулысымен бекітілген Ережелерге және ҚР Білім және ғылым министрлігінің басқа нормативтік-құқықтық актілеріне сәйкес анықталады.

 

Мемлекеттік білім гранты бойынша бірінші курсқа оқуға қабылданған барлық білім алушыларға бірінші семестрде мемлекеттік шәкіртақы тағайындалады. Кейінгі оқу семестрлерінде мемлекеттік шәкіртақыны тағайындау және төлеу емтихандық сессия қорытындысы бойынша (білімді бақылаудың барлық үлгілерін қосқанда) білім алушыда тек «жақсы» («В+», «В», «В-», «С+») және «үздік» («А», «А-») бағалары болса ғана жүргізіледі.

 

Шәкіртақы ректор бұйрығы негізінде әр айдың алғашқы күнінен бастап жартыжылдық емтиханына дейінгі аралықта төленеді.

 

Мемлекеттік шәкіртақы тағайындау кезінде білім алушының GPA көрсеткіші емес, тек бағалары ғана ескеріледі.

 

Барлық үлгерімді, мемлекеттік грант есебінде білім алатын (емтихан нәтижесі бойынша академиялық қарыздары жоқ) білім алушыларға мемлекеттік шәкіртақы беріледі.

 

Үкімет жарлығына сәйкес мемлекеттік шәкіртақы төленетін білім алушылар:

- көру және есту бойынша мүгедектерге - 75%;

- жетім және ата-анасынан қараусыз қалған балалар - 30%;

- емтихан бағасы бойынша тек «өте жақсы» көрсеткішін көрсеткен студенттер мен магистранттарға - 15% қоса төленеді.

 

Кәсіби (өндірістік) практика және жазғы демалыс кезінде шәкіртақы сақталады.

 

Академиялық демалыстан келген білім алушыларға мемлекеттік шәкіртақы белгіленген тізім бойынша келесі емтихан бағасына сай беріледі. Денсаулық жағдайына сәйкес келесі оқу жылына қалдырылған білім алушыларға келесі емтихан уақытына дейін төленеді.

 

Жүкті болу мен босануына байланысты демалыс уақытындағы білім алушыларға шәкіртақы қолданыстағы еңбек заңнамасымен белгіленген толық демалыс мерзімі ішінде академиялық демалысқа кеткенге дейінгі мөлшерде төленеді. Академиялық демалыс кезінде жүкті болуы себебінен уақытша еңбекке жарамсыздық туралы ортақ үлгідегі анықтама ұсынылған жағдайда, академиялық демалыс үзіліп, жүктілік мен босануа байланысты демалыс ресімделуі керек. Білім алушы 3 жасқа дейін бала күтімі бойынша академиялық демалыста болған кезде шәкіртақы тағайындалмайды.

 

Шәкіртақымен қамтамасыз ету әр білім алушының атына ашылған карта есепшотына аударылады.

 

Мемлекеттік шәкіртақы төлеу ҚР заңнамасында қарастырылған жағдайларда тоқтатылады.

 

Мемлекеттік шәкіртақыны төлеуді тоқтату Ректордың тиісті бұйрығын шығару арқылы жүзеге асырылады.

 

Басқа шәкіртақыларды тағайындау және төлеу тәртібі (Қазақстан Республикасы Президентінің шәкіртақысы, «Назарбаев стипендиясы» және т.б.) Қазақстан Республикасының заңнамасына сәйкес анықталады.

 

ҚР Білім және ғылым министрлігі бөлген Президенттік және атаулы шәкіртақылар саны институттар ішінде институттардағы студенттер мен магистранттар контингентіне байланысты бөлініп беріледі. Жекелеген институттарда Президенттік шәкіртақыны тағайындау туралы ережелерінің талаптарына сәйкес келетін студенттер мен магистранттар қатарынан үміткерлер болмаған жағдайда, бөлінбеген орындар университет басшылығының қосымша өкімі бойынша басқа институттарға беріледі.

 

Институт директорлары Президенттік және атаулы шәкіртақыларды тағайындау үшін білім алушылардың қатарынан алдын-ала үміткерлерді іріктеуді ұйымдастырады, содан соң олардың тізімін белгіленген мерзім ішінде Тіркеу офисіне ұсынады. Ұсынысқа келесі құжаттар қоса беріледі:

- білім алушының транскрипті;

- институт кеңесі шешімінен көшірме.

 

Президенттік және атаулы шәкіртақыларды тағайындауға арналған үміткерлер тізімі университеттің Ғылыми кеңесінде қарастыру және бекіту үшін ұсынылады.

 

Төменде келтірілген кестелерде білім алушылардың, соның ішінде студенттер, магистранттар, докторанттардың әр санаты үшін стипендиялар мөлшері нақты сипатталған.


1-кесте. Ең төменгі стипендия мөлшері

 

Студент санатының атауы

Стипендия мөлшері, тг

Студент

20 949

Магистрант

53 530

Докторант

81 998

 

2-кесте. Ұлғайтылған стипендия мөлшерлері

 

Студент санатының атауы

Стипендия мөлшері, тг (ұлғайту мөлшері 15%)

Студент

24 091

Магистрант

61 560

 

3-кесте. Президенттік стипендия мөлшері

 

Студент санатының атауы

Стипендия мөлшері, тг (ұлғайту мөлшері 50%)

Студент

41 898

Магистрант

107 060


4-кесте. Ата-ананың қамқорлығынсыз қалған немесе мүгедек балаларға стипендияны ұлғайту мөлшерлері

 

 Стипендиаттар

Ұлғайту мөлшері

Стипендия төлеу мөлшері

Көру және естуі бойынша мүгедектер

75%

36 660 тг.

«Ұлы Отан соғысына қатысушылар, мүгедектер және оларға теңестірілгендерге жеңілдіктер және әлеуметтік қорғау туралы» Қазақстан Республикасының Заңына сәйкес жеңілдіктер және кепілдіктер бойынша соғыс ардагерлеріне теңестірілген студенттер

50%

31 423 тг.

Ата-ананың қамқорлығынсыз қалған және азаматтардың қамқорлығындағы (қорғаншылығындағы) жетім балалар және жетім балалар қатарынан студенттер

30%

27 233 тг.

Емтихан сессиясының нәтижелері бойынша тек "үздік" бағасы бар техникалық және кәсіби (училищелерде, колледждерде), ортадан жоғары, жоғары және жоғары оқу орнынан кейінгі білім ұйымдарында оқитын студенттерге, магистранттарға (Қазақстан Республикасы Президентінің стипендиялары және мемлекеттік атаулы стипендия алатындардан басқа)

15%

24 091 тг.

 

Студенттерге жолақы төлемдері


 

Білім алушыларға көлікте жүруге жеңілдіктер (жолақы) есептелетінін атап өткіміз келеді.

 

1.  ЖОО студенттері мен магистранттары үшін жол жүру төлемі қысқы әрі жазғы демалыс күндері 4 есе АЕК мөлшерінде жылына 2 рет төленеді.

2.  Жоғары оқу орындарының даярлық бөлімшелерінің тыңдаушыларына - 4 есе АЕК мөлшерінде жылына 1 рет төленеді.

3.  Жоғары оқу орындарының түлектеріне - 4 есе АЕК мөлшерінде жылына 1 рет төленеді.

 

Жолақыны ұлғайту мөлшері ата-ананың қамқорлығынсыз қалған немесе мүгедек балаларға көзделмеген. Жолақыны есептеу білім алушының төлем картасына қаржына аудару немесе қолма-қол төлем жолымен ақпан және маусым айында жүзеге асырылады.

 

Халықаралық «Болашақ» стипендиясы туралы келесі сайттан білулеріңізге болады: www.bolashak.gov.kz, email: info@bolashak.gov.kz, тел.: 8(7172)249401.

 

Студенттерді әлеуметтік қамсыздандыру


Әлеуметтік көмекті іске асырудың бағыттарына сәйкес университетте білім алушыларға оқу төлемақысын және жатақханада тұратын жетім балалар мен ата-ана қамқорлығынсыз қалған балалар қатарындағы білім алушыларға жатақханаға төлемақысын төлеуге растайтын құжаттары қоса тіркелген өтінішінің негізінде 10%-дан 100%-ға дейін жеңілдік беру қарастырылған. Толық ақпаратты әлеуметтік жұмыстар және жастар саясаты жөніндегі департаменттен білуге болады.

 

Сонымен қатар, студенттер, магистранттар үшін ғылыми жарыстар қаржыландырылады. ҚР заңнамасына сәйкес белгіленген жол ақысы, тәуліктік шығындар төленеді.

 

 

 

 

 

1010
 
 
 
 
Besucherzahler
 
Besucherzahler