«Химия» кеші

2023 жылдың 9 наурызында мектеппен байланысты жүзеге асыру мақсатында Жаратылыстану және география институтының химия кафедрасында Алматы қаласының №69 орта мектептің 7 сынып оқушыларымен «Химиялық кеш» форматында кездесуі өтті.

Ұйымдастырушылар: химия кафедрасының доценті Айгуль Нұрахметованың жетекшілігімен «6В01512-Химия-биология» мамандығының 2-3 курс студенттері.

Мектеп оқушыларының химия пәніне деген қызығушылығы мен ынтасын арттыру мақсатында 2-3 курс студенттері қоршаған ортада болып жатқан процестерді көрсететін түрлі жарқын химиялық тәжірибелер дайындады. Химиялық кеш интерактивті және қызықты өтті, оқушылар химиялық эксперименттерге қызығушылық танытты және оларды жүзеге асыруға тікелей қатысты.