Халықаралық зерттеу жобасының жетекшісімен
өткен онлайн семинар

2019 жылдың 17 мамыр күні Филология және көптілді білім беру институтында «Бастауыш сынып оқушыларының оқу дағдасын анықтау және қалыптастыру» атты халықаралық вебинар өтті. Ғылыми жобаға Қазақстан мен Ресейден келген ғалымдар қатысып, өз тәжиребелерімен алмасты.

Ресей тарапынан жоба менеджері, доцент Елена Карданова (Мәскеу, Ұлттық жоғары оқу орнының Жоғары экономика мектебі) оқушылардың базалық оқу дағдыларын және фонемалық сауаттылығын зерттеу құралдарымен таныстырды. Абай атындаға ҚазҰПУ-нің жобалық менеджері профессор Сәуле Әбішева Алматы қаласының мектептерінде жобаны іске асыру мәселесі бойынша ұсыныстар мен түсіндірмелер берді.

Өткізілген веб-конференция алдағы Алматыда өтетін семинардың алғашқы қадамы болды, оған Елена Карданова 2019 жылдың 11 маусымында келеді.