қазақша · русский · english
 
 
 
05.04.2019

«Жаңа гуманитарлық білім. Қазақ тіліндегі 100 жаңа оқулық»

 

Ағымдағы жылдың 3 сәуірінде Ғылым декадасы аясында Шығыс филологиясы және аударма кафедрасында ғылыми семинар өтті. Ғылыми семинарда профессор Айгүл Жұмабекованың жетекшілігімен «Аударма ісі» мамандығының 1 курс магистранттары Нұрсұлу Өміртасова және Айжан Әуелбекова «Виктория Фромкиннің «An Introduction to Language» оқулығын ағылшын тілінен қазақ тіліне тікелей аударудың маңызы» және «Karen Armstrong «A History of God: the 4,000 year quest of Judaism, Christianity and Islam» оқулығының ағылшын тілінен қазақ тіліне аудару ерекшеліктері» тақырыбында баяндама жасады.


Аударма аспектісінде әлі талданбаған «An Introduction to Language» және «A History of God: the 4,000 year quest of Judaism, Christianity and Islam» оқулықтары Қазақстан Республикасының барлық жоғары оқу орындарының оқу үрдісіне енгізілді, өйткені 2018 жылғы «Рухани жаңғыру» жобасы аясында жарияланған оқулықтар және бұл тақырып өте маңызды болып табылады.


Кездесуде ҒЗЖ, СҒЗЖ және инновациялар бөлімінің бастығы Гүлзада Баимбетова және Филология және көптілді білім беру институт директорының ғылыми жұмыстар бойынша орынбасары Жаңагүл Саметова сөз сөйледі.


Аударма бөлімінің студенттері мен магистранттары ұсынылған оқулықтарды ағылшын тілінен қазақ тіліне аудару сапасы мен баяндамаларын талқылауға қызығушылықпен қатысты.

 

Семинарға қатысқандар біздің университеттегі жас зерттеушілер үшін үлкен мүмкіндіктердің бар екендігі туралы хабардар болды.

 

   

 

   




Кері оралу