АҚШ студенті Abai University-де академиялық ұтқырлық бағдарламасы бойынша оқиды

2025-2026 оқу жылында Миддлбери колледжінде оқитын АҚШ студенті Эрнесто Августино Галлего академиялық ұтқырлық бағдарламасы бойынша Абай атындағы Қазақ ұлттық педагогикалық университетінде білім алуда.

Эрнесто «Халықаралық қатынастар» мамандығы бойынша Сорбонна-ҚазҰПУ институтының 3 курс студенті. Оқу жоспары аясында ол орыс тілі мен әдебиеті кафедрасына барады, онда орыс тілін оқиды.

Академиялық ұтқырлық бағдарламасы студентке халықаралық қатынастар саласындағы білімдерін тереңдетуге, Қазақстанның білім беру жүйесімен және елдің мәдениетімен танысуға, сондай-ақ орыс тілін меңгеруді жетілдіруге мүмкіндік береді.