Ғылым онкүндігі -2018 аясында студенттерді Алматы қаласының мұражайымен таныстыру

2018 жылдың 7 сәуірінде "Ғылым онкүндігі -2018" жоспарына сәйкес практикалық тілдері кафедрасының оқытушылары Алмагүл Шынтемірова, Меруерт Әлібаева, Зәуре Өмірзақова, Сауле Нұрғали, Аида Нұрбаева Физика, математика және информатика және География және жаратылыстану ғылымдары институттарының 1 курс студенттерімен 2016 жылдан бері тарихи жерде орналасқан Қабанбай батыр көшесідегі ұзақ уақыт медициналық колледж болған Верный балалар үйінің орнындағы Алматы мұражайында болды.

Бүгінгі күнде бұл мұражай біздің қаламыздың басты көрікті орындарының бірі. Мұражай жиынтығында 40,000 астам өнер туындылары бар, соның ішінде қазақ этнографиясының бірегей жиынтығы, түрлі дәуір мен мәдениеттердің тұрмыстық заттары. Мұражайда 11 зал бар, олар: «Алматы қаласының ежелгі тарихы», «Алматы қаласының ортағасырлық тарихы», «Жетісу Этнографиясы», «Алматы қаласының тарихындағы Верный кезеңі», «Қазақ мемлекетінің қалыптасуының түбірі», «Алматы ХХ ғасырда», «Мәдениет пен өнердің дамуы», «Альпинизм тарихы», «Желтоқсан», «Алматы және Ұлт көшбасшысы», «Бейбітшілік пен келісімнің моделі». Сондай-ақ, мұражайда қаланың аумағында табылған ежелгі дәуір артефакттары, Қазақ хандығының, Ресей империясының, Кеңес Одағының және Тәуелсіз Қазақстанның уақыттарындағы жәдігерлер көрсетілген. Қазақ ұлтының тұрмыс-тіршілік бұйымдары, Кеңестік кезеңге және көне Верный қаласына арналған жәдігерлер өте қызықты. Мұнда, ортағасырлық көшелер арқылы жүре аласыз, яғни көне су құбыры салынған; Экспозицияда бірегей артефакттармен ұсынылған қаланың аумағында соңғы археологиялық жұмыстарды көру болады; Верный қаласын, ал техникалық құралдарды сүйетіндерге кеңестік дәуірдегі телевизиялық және радио жабдықтардың керемет жинағын көруге болады. Мұражайда Алматы қаласының әрбір тарихи дәуіріне арналған бірегей жағдай жасалған. Әрбір жазба үш тілде жазылған. Кейбір залдар мұражай экспонаттарының суреттерін түпнұсқа түрінде көрсететін голограммалармен жабдықталған. Сондай-ақ, әрбір залда инфокиоскілер орналасқан, мұнда қаланың мәдениеті мен тұрмысы туралы үш тілде толық ақпарат алуға болады.

Экспонаттардың ішінде сол кездегі қазақтардың күнделікті киімдерін, дулыға және батырлардың қаруын, зергерлік бұйымдарды таба аласыз. Студенттер қазақстандық композитор, Қазақстанның қазіргі әнұранының негізін қалаған әннің авторы Шәмші Қалдаяқовтың мандолинасын және «Дос Мұқасан» VIA алғашқы барабандар жиынтығын көре алды.

Сондай-ақ, экскурсия жетекшісі 1986 жылғы желтоқсан оқиғаларына арналған зал туралы егжей-тегжейлі айтып берді. Залда желтоқсан айындағы оқиғалардың қатысушысы 12 жылға бас бостандығынан айырылған Қайрат Рысқұловтың туған-туысқандары мен оның отбасының құжаттары мен арыздары көрсетілген. Қазақ КСР астанасы - Алматы тарихындағы маңызды кезеңдерге арналған «Алматы 20 ғасырда» залы қызықты болды.

Студенттер осы күні 15-ші Республикалық «Жігер» шығармашыл жастар фестивалінің сыйлығының лауреаты, «Ажар» Қазақстан әйелдері жетістігін қоғамдық мойындау ұлттық сыйлығының иегері, Қазақстан суретшілер Одағының мүшесі Айжан Әбдубаиттың «Зерлеу өнері: дәстүр және жаңғыру» жеке көрмесімен танысуға мүмкіндік алды.