ҚАРТТАРЫМ, АМАН-САУ ЖҮРШІ

       1-қазан қарттар күніне орай, ардагерлер үйінде қазақ тілі мен әдебиеті мамандығының 1 курс (1,2,3- топ) студенттері «Қарттарым, аман-сау жүрші!»  атты мерекелік шара өткізді. Бұл шараға ардагерлер үйінің барлық қарттары қатысып, мәре-сәре болып, балаша қуанды. Қарттарға құрмет көрсетіліп, студенттер құттықтауларын айтып, мерекелік көңілмен әсем әндерін шырқады. Жастар ата - әжелеріміздің көңілін көтеріп, бір сәт жаны жабырқаулы қарттарымыздың жүрегіне қуаныш сезімін ұялатқандай болды.

      «Атаңа не қылсаң, алдыңа сол келеді» деген сөз бар. Жастарымыз ата-анасының қадірін кеш болмай түсінсе екен. Қарттары бар ел-бақытты ел. Сондықтан ел басына күн туған, қиын-қыстау күндерде халқына сүйеу, жұртына қамқор болатын қарттарымыз аман болсын.

       Дана қазақ халқы ежелден қарияларды ерекше сыйлаған. Қарияларға қамқор болу - барлық қоғамның және әрбіріміздің міндетіміз, өйткені жасы ұлғайған адамдар мемлекетіміздің  алтын қоры, адалдықтың, адамдықтың жарқын үлгісі.

         Кештің соңында мерекелік сыйлықтар табысталып,  ата-әжелеріміз сөз алып, студенттерге алғыс айтып, жылы лебіздерін білдірді.  

           1 курс студенттерінің бұл ұйымдастарған шарасы көпке үлгі болары анық.