Біздің студент пен магистранттар Польшадан оралды.

2017 жылдың 8 ақпанында орыс тілі мен әдебиеті кафедрасында Польшадағы Слупск қаласындағы Помор академиясында семестрлік білім алып келген студент, магистранттармен кездесу ұйымдастырылды.
Студенттер осындай тамаша мүмкіндікті беріп отырған ҚР, университетіміз бен кафедраға алғыстарын білдіріп, өздерінің білім алу бағдарламалары жайлы айтып, Польшаның оқытушылары мен мәдениетінен алған әсерлерімен бөлісті.
Орыс тілі мен әдебиеті кафедрасының меңгерушісі Әбішева Сәуле Жүнісқызы студенттерге ұсынылып отырған мүмкіндіктерді баяндап, Помор академиясының ректоры семестрлік білім алуға тағы 2 студентке грант бөлгендігі жайлы жақсы жаңалық айтты. Енді тағы екі студентімізге қосдипломды білім алу мүмкіндігі туды.
Биылғы бірінші курс студенттеріне академиялық ұтқырлық бағдарламасы байқауына қатысуға мүмкіндіктері бар. Жеңімпаздар Помор академиясында семестрлік білім алады.
ПРЕЗЕНТАЦИЯ: Польшадағы семестрлік білім