Польшадағы семестрлік оқу аяқталды

2017 жылдың 27 қаңтарында Абай атындағы ҚазҰПУ академиялық ұтқырлық бағдарламасы бойынша Помор Академиясында семестірлік білім алып жатқан «Орыс тілі мен әдебиеті» мамандығының студенттері мен магистранттары Қазақстанға арналған шара ұйымдастырды.

Кешке қонақ болып Ирена Карпель, Пани Ричельская мен Полшаның студенттері қатысты. Қазақстандықтар еліміздің дәстүрімен таныстырды. Фатима Ахмедова жүргізіп, Накыз Бозтекеева тарихы мен салт-дәстүріміз туралы сөз қозғады. Жас ақын Мухамбетжан Майлыбай өз шығармашылығынан еліне арналған өлең оқыды. 2-3 курс студенттері Нурила Карабасова мен Акерке Жалгабаева патриоттық ән шырқаса, Жанерке Толеуова өз жоо мен кафедрасы туралы баяндама жасады.
Концерт соңында ұйымдастырушылар бауырсақтан ауыз тигізді. Помор академиясында басқа мамандықтар бойынша академиялық білім алып жатқан студенттер әріптестерін қолдауға келді.