Орыс тілі және әдебиеті кафедрасының оқытушылары -
педагогикалық форумның қатысушылары

2021 жылдың 10 және 11 желтоқсанында «Шекарасыз орыс тілі: орыс мәдениетін шетелде жылжытудың білім беру модельдері» халықаралық педагогикалық форумы өтті.

Оның өтетін орны үш оффлайн-алаң болды: екеуі Қазақстанда (Абай атындағы Қазақ ұлттық педагогикалық университеті және «Тұран» университеті) және біреуі Ресейде - Н.И. Лобачевский атындағы Нижегород мемлекеттік ұлттық зерттеу университеті.

Алматы және Нижний Новгород залдарында отырған тыңдаушыларға форумның 120-дан астам қашықтық қатысушылары қосылды.

Пленарлық отырыста орыс тілі және әдебиеті кафедрасының меңгерушісі, филология ғылымдарының докторы, профессор Сәуле Әбішева «Қазіргі әлеуметтік-мәдени кеңістікті қалыптастырудағы орыс тілі» тақырыбында баяндама жасады. Конференцияның секциялық отырыстарында кафедра оқытушылары: Гүлнұр Байшукурова, Гүлмира Қажығалиева, Мехирнис Хавайдарова, Марина Асылбекова, Бақытгүл Жұмағұлова, Ақерке Іргебаева, Феруза Ержанова және Мәдина Абаева сөз сөйледі.

Форумда «Жоғары Экономика мектебі» ғылыми-зерттеу университетінің визит-профессоры (Мәскеу, Ресей) Екатерина Власова баяндама жасады.

Форум аясында өткен ғылыми-әдістемелік конференцияға, пікірталас алаңына, дөңгелек үстелдерге қатысушылар білім беру саласындағы қазіргі заманның маңызды сын-қатерлерін және ең алдымен ашық білім беру жағдайында орыс тілін оқытудағы өзекті педагогикалық технологияларды талқылады.