Абай жүрегімізде

2020 жылдың 14 тамызында Филология және көптілді білім беру институтының орыс тілі мен әдебиеті кафедрасы қазақтың ұлы ақыны, ойшыл Абайдың 175 жылдығына арналған «Абай жүрегімізде» тақырыбында онлайн іс-шара өткізді. Кездесу танымдық және қызықты болды, өйткені кафедра меңгерушісі Сауле Абишева бастаған ұйымдастырушылар қатысушылармен қарым-қатынастың түрлі жанрлары мен формаларын қолдана алды.

Филология ғылымдарының кандидаты Мехирниса Хавайдарованың «Қазақтың ұлы ақыны Абай» атты презентациясы тыңдаушыларға ақынның шығармашылық жолы кезеңдері туралы еске салды. Вебинардың сәнін осы кездесуге қатысуға шақыруды ықыласпен қабылдаған танымал қазақстандық әнші Толқын Забирова келтірді.

Іс-шараға халықаралық мәртебе берген орыс тілі мен әдебиеті кафедрасының бастамасымен Слупск қ. (Польша) Помор академиясында ашылып, белсенді жұмыс жасап жатқан Абай атындағы Қазақстан мәдениеті және ғылымы орталығы туралы айтқан осы академияның докторанты Максим Пономаренконың баяндамасы болды.

Шетелдік студенттер Абай өлеңдерін оқыды. Олар - Абай атындағы ҚазҰПУ халықаралық ынтымақтастық департаменті құрған Russian Summer Club қатысушылары. Түркменстан, Қытай, Түркия, Египет және басқа да елдердің студенттері жаз бойы орыс тілі мен әдебиеті кафедрасының волонтер-оқытушыларының жетекшілігімен орыс тілін үйренуде. Олардың Абай шығармашылығына қатысуы бұл сабақтардың тіл білімін жетілдіруге қалай көмектескенін көрсетті.

Кездесу барысында Абай атындағы ҚазҰПУ оқытушылары Төлеген мен Шолпан Меркибаевтардың дуэті шырқалды. Ал вебинар «Көзімнің қарасы» әнін хормен орындаумен аяқталды.

Барлық қатысушылар үшін ұлы Абайдың шығармашылығы құнды әрі жақын болды.