Абай университеті «Бөрі» қоғамдық қорымен ынтымақтастық орнатты

2025 жылдың 21 қаңтарында әлеуметтік және жастар саясаты жөніндегі департаменттің ұйымдастыруымен Абай атындағы ҚазҰПУ және «Бөрі» қоғамдық қоры арасында ынтымақтастық туралы меморандумға қол қою рәсімі өтті.

Қазақстан Республикасының 2023 жылғы 24 қарашадағы № 1039 - «Жастарды әскери-патриоттық тәрбиелеудің 2030 жылға дейінгі тұжырымдамасын бекіту туралы» меморандумға Абай университетінің әлеуметтік даму жөніндегі проректорі Мақсат Жақауов пен «Бөрі» қоғамдық қорының директоры Сулейман Ерзаков қол қойды.

Әріптестіктің негізгі мақсаты - ел мәдениетін дамыту саласында тиімді ынтымақтастықты жолға қою арқылы ұлттық құндылықтарды дамытуға бағытталған істерді бірлесе атқару, университет студенттеріне әскери-патриоттық тәрбие беру үшін жағдай жасау. Жастардың бойында жоғары адамгершілік қасиеттерді, патриоттық сезім мен азаматтық жауапкершілікті қалыптастыру. Ұлттық рухты нығайтуға және отансүйгіштік іс-шараларды насихаттауға бағытталған бастамаларды қолдау.