«Ой мен ойын» викторинасының жеңімпаздары марапатталды

2024 жылдың 20 қарашасында «Жалынды жастар» студенттік апталығы аясында ұлттық құндылықтарымыз бен салт-дәстүрлерімізді дәріптеу мақсатында «Ой мен ойын» викторинасы ұйымдастырылды. Танымдық іс-шара: «Tez tap»-блиц кезеңі, «IQ Run»- ұяшықтар кезеңі және «Qupia»-жұмбақ жәшік кезеңінен тұрды.

Викторинаның нәтижесінде: «Ұшқыр ой» номинациясын Жаратылыстану және география факультетінің командасы, «Үздік команда» номинациясын Математика, физика және информатика факультетінің командасы иеленді.

Ал, I орынды Тарих және құқық факультеті, II орынды Педагогика және психология факультеті, III орынды Сорбонна-Қазақстан институты қанжығасына байлады.

Жастар ісі жөніндегі бөлім