қазақша · русский · english
   
  Негізгі бет  Жаңалықтар
01.08.2025

Филология факультеті түлектері 40 жылдан кейін қара шаңырақта бас қосты


2025 жылдың 11 тамызында Абай атындағы Қазақ ұлттық педагогикалық университетінің Филология факультетін 1985 жылы бітірген түлектердің 40 жылдық кездесуі өтті.


Салтанатты шара қасиетті қара шаңырақта - ұстаздар ордасында бастау алды. Жиынды оқу ордасының академиялық қызмет жөніндегі проректоры Бану Нарбекова ашып, түлектерге ыстық ықыласын білдіре отырып, университеттің бүгінгі жетістіктерімен таныстырды.


Филология факультеті деканының тәрбие ісі жөніндегі орынбасары Бекболат Байқараев та құттықтау сөз сөйлеп, 2015 жылдан бері осы ұжымда еңбек етіп келе жатқанын атап өтті. Ол түлектерге жылы лебізін білдіріп, факультет өміріндегі оң өзгерістерге тоқталды.


Кездесуге келген түлектер оқу ордасына алғыстарын білдіріп, ұстаздарына шексіз ризашылықтарын жеткізді. Олар білім нәрімен сусындатқан ұстаздарын зор мақтанышпен еске алып, жүрекжарды лебіздерін арнады.


Салтанатты шара барысында Түлектер қауымдастығы орталығының жетекшісі Болатбек Нұрбатыров барлық келген түлектерді қауымдастық мүшелігіне қабылдап, арнайы сертификаттар табыстады. Сонымен қатар университетте ашылған «Abai Endowment Fund» корпоративтік қорының мақсат-міндеттерімен таныстырып, болашақтағы жоспарларымен бөлісті. Түлектер бұл бастамаға қолдау көрсетуге дайын екендіктерін жеткізді. Әрі осындай керемет іс-шараны ұйымдастырып отырған Абай атындағы қазақ ұлттық педагогикалық университетінің ұжымына алғыстарын айтып, риза болды.


Қара шаңыраққа оралған түлектер үшін бұл күн жастық шақпен қайта қауышқандай әсерлі де ұмытылмас сәттерге толы болғаны сөзсіз.

 

  alt=  


  alt=  


  alt=  


  alt=  


  alt=  


  alt=  


  alt=  


  alt=  


  alt=