Aбай университетінің ғалымдары Амстердамдағы конференцияда Honors College тәжірибесін ұсынды

2025 жылғы 27-29 маусым аралығында Абай атындағы Қазақ ұлттық педагогикалық университетінің өкілдері Нидерландыдағы ең ірі мемлекеттік жоғары оқу орны - Амстердам университетінде өткен Білім берудегі қолданбалы зерттеулер бойынша 7-ші халықаралық конференцияға қатысты.

Қатысу Қазақстан Республикасы Ғылым және жоғары білім министрлігінің (АР19677510 ЖРН) гранттық қаржыландыру жобасы шеңберінде мүмкін болды. Жобаны әзірлеушілер - Марфуга Абсатова, Шыңғыс Нұрланов және Шолпан Колумбаева Абай университетіне енгізілген Abai Honors College қосымша білім беру бағдарламасын іске асыру тәжірибесі туралы баяндама жасады.

Abai Honors College бағдарламасы академиялық дарындылықты, көшбасшылықты дамытуды және ұлттық құндылықтарды қосымша білім беру жүйесіне біріктірудің бірегей үлгісі ретінде конференцияға қатысушылардың қызығушылығын тудырды. Дарынды жастармен жұмыс істеу әдістеріне және студенттердің сыни ойлауын, академиялық мәдениетін және әлеуметтік жауапкершілігін қалыптастыруға ерекше назар аударылды.

Конференция барысында ғалымдар АҚШ, Ұлыбритания, Канада, Жапония, Түркия, БАӘ, Гонконг, Африка елдері және басқа да мемлекеттердің әріптестерімен тәжірибе алмасты. Кадрларды даярлаудың заманауи тәсілдері, жоғары білім беру жүйесінде оқытудың инновациялық әдістері мен нысандарын енгізу талқыланды.

Іс-шара қорытындысы бойынша шетелдік университеттердің өкілдерімен кездесулер өткізілді, олардың шеңберінде болашақ академиялық ынтымақтастық мүмкіндіктері талқыланды.