«Абай үміті» байқауының жеңімпаздары марапатталды

2025 жылдың 30 мамырында Ұлы ақын, хәкім Абай Құнанбайұлының 180 жылдығы аясы мен 1-маусым Халықаралық балаларды қорғау күніне орай университет қызметкерлері мен оқытушыларының балаларына арналған «Абай үміті» байқауының жеңімпаздары марапатталды.

Байқау науқаны 13-27 мамырда 3-5 жас аралығында және 1-4 сынып оқушыларына ұйымдастырылған болатын.

Байқаудың мақсаты - өскелең ұрпақты Абайдың бай мұрасымен, аударма шығармаларымен таныстыру, оқуға қызығушылықты арттыру, мәнерлеп оқу дағдыларына машықтау.

Байқау нәтижесі бойынша:
1-4 сынып оқушылары (6-10 жас):
І орын - Еділбайқызы Балнұр, №206 мектеп-гимназиясының 4-сынып оқушысы;
ІІ орын - Смайл Әбілмансұр, Д.Қонаев атындағы №66 мектеп-гимназиясының 3-сынып оқушысы;
ІІІ орын - Қожағұл Батыр, М.Түймебаев ауылы №19 орта мектебінің 3-сынып оқушысы.

Мектепке дейінгі балалар (3-5 жас):
І орын - Жирен Айша, 5 жас;
ІІ орын - Қайрат Дамира, «Ақ көгершін» балабақшасы, 5 жас;
ІІІ орын - Даниярұлы Әлинұр, 3 жас.

Байқау жеңімпаздары мен номинация иелеріне Абай университеті Басқарма төрағасы - ректордың арнайы алғыс хаттары, дипломдар және бағалы сыйлықтар табысталды.

Байқау университеттің корпоративтік бағытын дамыту мақсатында Абай университеті қызметкерлері кәсіподағының қолдаумен жүзеге асырылды.