«Батыс Қазақстан әскери тарихының жаңа беттері» Республикалық ғылыми семинары

2024 жылдың 6 желтоқсанында Абай атындағы ҚазҰПУ Тарих және құқық факультетінде «Батыс Қазақстан әскери тарихының жаңа беттері» тақырыбында Республикалық ғылыми семинар өтті. Семинар жұмысына Республикаға белгілі тарихшы-ғалымдар: ҚР ҰҒА академигі Ғ.Қ. Кенжебаев, т.ғ.д., Атырау университетінің профессорлары А.С. Сәрсенов, Л.Бердіғожин, доцент С.Қуаныш қатысып, қызықты баяндамалар жасады. Семинарға университеттің профессор-оқытушылары да атсалысып, белсенділік танытты. Профессорлар Ғ.Х. Халидуллин, Х.А. Сутеева, Б.С. Жұмағұлов, доценттер Е.Н. Ермұқанов, Е.Т. Қалиева, Ж.Нұрманбетқызы және тағы да басқалар пікірталасқа қатысып, өз ойларын ортаға салды. Ғалымдар ХVІІІ-ХХ ғасырлардағы Батыс Қазақстанның әскери тарихының бүгінге дейінгі зерттелуі, мәселелері мен кейбір аспектілерін жан-жақты талқылады. Сондай-ақ алдағы уақытта тақырыпқа қатысты назар аударар тұстары мен түйткілдеріне де тоқталды. Қазақстан бойынша алғаш рет қолға алынып отырған ғылыми жобаның маңыздылығына семинарға қатысушылар да үлкен қызығушылық танытты.

Ғылыми семинарда жоба авторлары дайындаған «Атырау облысының тарихы. Көне заманнан бүгінге дейін» атты үш тілде жарық көрген үш томдық еңбектің тұсаукесері өткізілді.

Ғылыми семинар жұмысына жас ғалымдар мен факультет докторанттары мен магистранттары да қатысты.