Лингвистикалық білім беру саласындағы халықаралық ынтымақтастық

Жоғары мектепті дамытуда халықаралық байланыстарды кеңейте отырып, ұлттық білім беру жүйесінің беделін арттыру маңызды болып табылады.

Осындай халықаралық байланыстардың бір мысалы - Абай атындағы ҚазҰПУ мен Өзбекстанның Қарақалпақстан Республикасындағы Ажинияз атындағы Нүкіс мемлекеттік педагогикалық институты арасындағы жасалған өзара ынтымақтастық туралы келісім.

Аталған келісім шеңберінде екі жоғары оқу орнының «Орыс тілі мен әдебиеті» кафедралары арасында тығыз қарым-қатынас орнатылған: Ажинияз атындағы НМПИ оқытушы-филологтары Абай атындағы ҚазҰПУ-дың орыс тілі мен әдебиеті кафедрасында тағылымдамадан өтті. Ал, 23-25 мамырда өткен «Поэтика және өлеңтану мәселелері» халықаралық ғылыми конференциясының жұмысына аталған универитеттен бір топ оқытушылар онлайн қатысты.