![]()
20.04.2017 «Ұлыстың ұлы күні - әз Наурыз!» Мерекелік шараның алғы сөзін университетіміздің тәрбие ісі жөніндегі проректоры Ішпекбаев Жанатбек Ешенқожаұлы алды. Сөз кезегін институтымыздың директоры Каймулдинова Куляш Дүйсенбаевна алса, ары қарай университет кәсіподағының төрағасы Нурбатыров Болатбек Боданович сөз тізгінін жалғастырды. Дәстүр бойынша шара «Қыдыр ата» мен « Жер Ананың» батасынан бастау алып, арнайы ұйымдастырылған көрініспен ұласты. Көріністе ұлттық биіміз «Қара жорға», қыз бен жігіт айтысы, күмбірлеген күй, мың бұралған би де болып, соңында «Қазағымның дәстүрлері-ай» әнімен аяқталды. Кеш қонақтары мен ұстаздарымызға ойындар ұйымдастырылып, арнайы сыйлықтар да табысталды. Қорытынды сөзді институт директорының тәрбие ісі жөніндегі орынбасары Манапов Нұрлан Тұрсынбекұлы алып, өзінің ыстық лебізін білдірді. Мерекелік кеш әсем әнмен өз мәресіне жетті.
|