қазақша · русский · english
 
 
 
24.10.2025

Қамқорлық арқылы Әлем: еріктілік және қайырымдылық» 

Бейсен Құранбек атындағы әлеуметтік-педагогикалық байқауы


2025 жылғы 24 қазанда Педагогика және психология факультетінің деканаты мен эдвайзерлік Кеңесінің қолдауымен, Ширинбаева Гүлбахираның жетекшілігімен "Мейірім" еріктілер клубының ғылыми-зерттеу және әлеуметтік-педагогикалық бағыттары бойынша "Қамқорлық арқылы әлем: еріктілік және қайырымдылық" Бейсен Құранбек атындағы әлеуметтік-педагогикалық байқауы басталды.

Байқаудың негізгі мақсаты – Бейсен Құранбектің әлеуметтік-педагогикалық мұрасын кеңінен насихаттау арқылы студенттерді қайырымдылық пен еріктілік қызметте біріктіру. Байқау педагогика және психология факультетінің «6В01204 - Мектепке дейінгі білім беру» (IP), «6В01801 - Әлеуметтік педагогика» (IP), «6В0109-«Психология» (IP), «6В01901 - Арнайы педагогика» (IP), «6В01301 - Бастауыш білім беру» (IP) мамандығында оқитын 1-курс студенттері арасында өткізіледі.

Байқауға қатысу форматы: ғылыми жетекшінің міндетті түрде қатысуымен команда (5 студент) санын құрайды. Іс-шара барысында Педагогика және психология факультеті деканының м.а. Гүлмира Ниетбаеваның және деканның тәрбие және әлеуметтік жұмыс жөніндегі орынбасары Елмұрат Курмангалидің қатысуымен жеребе тарту арқылы командалар жұмысын үйлестіретін «Мейірім» еріктілер клубының Тим-лидерлері анықталды. Байқаудың екінші кезеңі 2025 жылдың 5 желтоқсаны күні Педагогика және психология факультетінде өткізіледі. Байқаудың өтуі еріктілік пен қайырымдылық қызметке негізделген теориялық және практикалық турлардан тұрады. Әрбір команда мүшелерінің жұмыстарына қазылар алқасы жеке тексеру жүргізеді. Барлық тексеру деректері  қазылар алқаларының қолдары қойылатын хаттамаға енгізіледі. Жұмыстарды тексергеннен кейін конкурстың жеке және командалық есепке алынатын нәтижелері жарияланады. Конкурсты өткiзудiң шарттары мен тәртiбi қоса берiлетiн Конкурстық құжаттамада реттеледi. 

 

                                                                                                                               «Мейірім» еріктілер клубы


 

  alt=  

  alt=  

 

 

  alt=  

  alt=  

 

 

  alt=  

  alt=  

 

 

  alt=  




Кері оралу