Мектепке дейінгі білім беру мәселелесі талқыланды

Абай атындағы ҚазҰПУ-дың академиялық күнтізбесіне сәйкес 8D01201 - «Мектепке дейінгі оқыту және тәрбиелеу» білім беру бағдарламасының 2-курс докторанттары педагогикалық практикадан өтуде.
Аталған мамандықтың докторанты Мүтәліпова Береке (ғылыми жетекшісі п.ғ.к., доцент Г.З.Таубаева) ағымдағы жылдың 28 қазанында (сағат 18:00-де) 7М01201 - «Мектепке дейінгі оқыту және тәрбиелеу» білім беру бағдарламасының оқу жоспары мен сабақ кестесіне сәйкес 1-курс магистранттарына «Мектепке дейінгі білім беруді дамытудың әдіснамалық негіздері» пәні бойынша «Қазақстандағы мектепке дейінгі білім беру мәселесінің зерттелуі» тақырыбында ашық сабақ (дәріс) жүргізді.
Дәріс барысында Б. Мүтәліпова Қазақстандағы мектепке дейінгі білім берудің зерттелу бағыттарына, өзекті мәселелеріне және қазіргі кезеңдегі мектепке дейінгі тәрбиелеу мен білім беру үдерісін ұйымдастыру жолдарына тоқталды. Оқыту барысында «Кластер», «Миға шабуыл», «Кейс-стади» тиімді интерактивті әдістер қолданылып, сабақ мазмұны қызықты әрі тартымды форматта ұсынылды.
Ашық сабаққа кафедраның профессор-оқытушылар құрамы: А. Манкеш, Г. Таубаева, А. Ахметова, Н. Атемкулова, Г. Абилбакиева, сондай-ақ 2-курс докторанттары қатысты.