Нуриев Марат Алмасаевич ҒЗИ директоры Қазақстанның жоғарғы мектебіне еңбегі сіңген қызметкері, техника ғылымдарының кандидаты, профессор Жамбыла,25  +7(727)291-88-83 nitso@mail.ru

 «Инновациялық технологиялар және білім беру» ҒЗИ алғаш рет,  2009 жылы Абай атындағы ҚазҰПУ ішінен ашылған.

         Институттың ғылыми-зерттеу жұмысы төмендегідей бағытта жүргізілді:

• 2009 жылы «Ұлттық тәрбие және өзін-өзі тану» кафедрасымен бірігіп,  типтік оқу бағдарламасы жасалынды. «Ұлттық тәрбие» пәнін енгізу мақсатында оқу бағдарламасы даярланды.
• 2009 жылы ТарМПИ-да оқу үдерісіндегі ЖОО-на «Ұлттық тәрбие» пәнін енгізу жолдарын талқылау мақсатында ұлттық тәрбие мәселесі бойынша ғылыми семинар өткізілді.
• 2010 жылы Ұлттық тәрбие мәселесіне арналған «Ұлттық тәрбие - өркениетті қоғам құру жағдайында адам ресурстарын қалыптастыру кепілі» атты дөңгелек үстел өткізілді.
• 2010 жылдың наурыз айынан бастап екі айда бір, қазақ және орыс тілдерінде аралас шығатын, республикалық ғылыми-көпшілік бағыттағы «Ұлттық тәрбие» атты журнал жарыққа шықты.

2012 жылдың шілде айынан бастап Президенттің «Интеллектуалды ұлт - 2020» бағдарламасын білім беру жүйесінде жүзеге асыру мақсатында ҒЗИ-ның ғылыми-зерттеу жұмысы бағытына өзгеріс енгізілді. «Интеллектуалды ұлт қалыптастыру ғылыми-зерттеу институты» болып қайта құрылған ҒЗИ-ның жұмыс бағдары интеллектуалды тұлға қалыптастырудың шарттары мен талаптарын анықтау болып табылады.

ҒЗИ-ның ғылыми-зерттеуі жұмыстары ЖОО-дағы оқу үрдісіне интеллектуалды тұлға қалыптастыру тұрғысында арнайы курс енгізу үшін материалдар даярлауға бақытталған.

Мақсаты: Интеллектуалды тұлға қалыптастырудың жолдарын анықтау.

Міндеттері.

1. Интеллектуалды тұлға қалыптастыру бағдарындағы шетелдік және отандық тәжірибелерге талдау жасап, зерттеу жүргізу.
2. Үздіксіз білім беру үрдісінде интеллектуалды тұлға қалыптастыру бойынша зерттеу жұмыстарының нәтижелерін тәжірибелік тексеру мен материалдар даярлау.

Институттың ғылыми-зерттеу жұмысы екі бағытта жүреді: біріншісі - «Оқушылардың интеллектуалды әлеуетін дамыту» бөлімі бойынша  білім мазмұнын интеллектуалды тұлға қалыптастыру тұрғысынан жетілдіру; екіншісі - «Педагогтардың интеллектуалды әлеуетін қалыптастыру» бөлімі бойынша педагог-ұстаздардың мәртебесін көтеру.