«Өмір - ең маңызды құндылық» тақырыбындағы психологиялық тренинг өтті

2025 жылдың 21 қазанында Психологиялық қолдау қызметінің ұйымдастыруымен Сорбонна-Қазақстан институтының 1 курс студенттерімен «Өмір - ең маңызды құндылық» атты психологиялық тренинг өтті.

Тренингтің мақсаты - студенттердің суицидтік мінез-құлық қаупі факторлары туралы хабардарлығын арттыру, өз сезімдері мен өзге адамдардың күйін тану қабілетін дамыту, эмоционалды тұрақтылық пен өзін-өзі қолдау дағдыларын қалыптастыру, сондай-ақ өмірге саналы және құндылық тұрғысынан қарауды нығайту.

Студенттердің бір-бірімен жақынырақ танысуы және топта сенімді атмосфера қалыптастыру мақсатында тренинг «Энергетикалық шеңбер» жаттығуымен басталды. Тренингтің негізгі бөлімінде топтық өзара әрекеттестікті дамытуға, тірек пен өзара көмекті сезінуге, жеке ресурстар мен өзін-өзі қолдау тәсілдерін өзектендіруге бағытталған «Өткел» және «Менің тыныштық аралдарым» жаттығулары өткізілді.

Қорытынды бөлімде «Өзіңе арналған хат» жаттығуы жүргізіліп, студенттер кері байланыс беріп, жеке тәжірибелерімен және тренингтен алған әсерлерімен бөлісті.