Абай Құнанбайұлының 180 жылдығына арналған мәдени-танымдық іс-шара өтеді

2025 жылдың 7 тамызында Абай атындағы Қазақ ұлттық педагогикалық университетінде қазақтың ұлы ақыны, ғұлама ойшыл Абай Құнанбайұлының 180 жылдығына орай, Абай ескерткішіне тағзым етіп, гүл шоқтарын қою рәсімі өтеді.

Абай университетінің ұстаздары мен студенттерін аталған іс-шараға қатысуға шақырамыз. 

Абай Құнанбайұлының 180 жылдығын кеңінен атап өту арқылы оның рухани мұрасын насихаттау, жас ұрпаққа «Толық адам» ілімін терең түсіндіру, ұлттық тәрбие мен рухани жаңғыру құндылықтарын дәріптеу мақсатында ұйымдастырылған шара барысында Қазақстан Журналистер Одағының мүшесі, «Хәкім Абай» ұлттық тәрбие орталығының Бас ғылыми қызметкері, абайтанушы ғалым Жабал Шойынбеттің «Абайдың толық адам ілімінің негіздері» кітабы мен «Ұлы Абаймен үндесу» жыр жинағының тұсаукесері өтетін болады.

Іс-шараға Қазақстан Жазушылар одағының төрағасы Мереке Құлкенов, абайтанушы ғалымдар мен университет басшылығы, профессор-оқытушылар құрамы және қала қонақтары қатысады.

Айта кетейік, 10 тамыз - ұлы ақын, ағартушы Абай Құнанбайұлының туған күні. ҚР Үкіметінің 2019 жылғы 22 мамырдағы №303 қаулысына сәйкес, бұл күн «Абай күні» деп аталып, Қазақстан Республикасының мерекелік күндер тізбесіне енгізілді.

Өтетін күні: 07.08.2025 ж.
Өтетін уақыты: сағат 11.00-де.
Өтетін орны: Достық даңғылы 13, Бас оқу ғимараты.