Абай университетінде талапкерлерден құжат қабылдау жоғары деңгейде өтуде

2025 жылғы 13 шілдеден бастап Абай атындағы Қазақ ұлттық педагогикалық университетінің (ҚазҰПУ) қабылдау комиссиясына 1300-ден астам талапкер өтініш білдірді. Республика бойынша университетке құжат тапсырғандардың жалпы саны 1700 адамға жетті.

Талапкерлердің ішінде:
• 120 үміткер - «Алтын белгі» иегері,
• 170 талапкер - үздік аттестат иегері.

Танымал мамандықтар бойынша құжат тапсырушылар саны:
• Шетел тілі: екі шет тілі - 140 адам,
• Дене шынықтыру және алғашқы әскери дайындық факультетіне - 400 адам,
• Математика, физика және информатика факультетіне - 120 адам.

Университеттің Студенттерге қызмет көрсету орталығы талапкерлер мен ата-аналарға қолайлы жағдай жасауда.

Кеңес беру жұмыстары:
• күту залында,
• құжат қабылдау аймағында,
• ғимарат алдындағы ашық кеңістікте жүргізілуде.

Электронды кезек жүйесі келушілердің ағынын тиімді реттеуге сеп болуда.

Құжаттарды қабылдау 20 шілдеге дейін жалғасады.

Өтінішті:
• университетке жеке келіп,
• egov.kz электронды үкімет порталы арқылы,
• немесе виртуалды қабылдау комиссиясы арқылы тапсыруға болады.