«Ең үздік студенттік ғылыми ұйым» жеңімпаздары анықталды

2025 жылдың 8 сәуірінде Ғылым апталығының аясында Жас зерттеушілер кеңесінің ұйымдастыруымен студенттер арасында «Ең үздік студенттік ғылыми ұйым» байқауы өтті.

Абайдың 180 жылдығына орай ұйымдастырылған шараның мақсаты - университеттің ең үздік студенттік ғылыми ұйымын анықтау арқылы зерттеу жұмыстарымен айналысатын студенттерді ынталандыру болды.

Байқау үш кезеңнен тұрды:
І кезең - «Менің ұйымшыл ұйымым» атты шығармашылық таныстыру;
ІІ кезең - «Жылдам жауап» арқылы академиялық жазылым бойынша білімдерін анықтау;
ІІІ кезең - «Біз зерттейтін мәселе» ұйым мүшелерінің жарияланымдары арқылы ғылыми ізденпаздықтарын анықтау.

Студенттер әртүрлі тапсырмалар бойынша бақ сынасты: презентация, видеоролик немесе аралас форматтағы таныстырылым, ұйым мүшелерінің жарияланымдары арқылы ғылыми ізденімпаздықтарын зерделеу.

Байқауға Жаратылыстану және георафия факультетінің студенттері Зарина Ерсайн, Арайлым Елшібек, Жанерке Ерланқызы, Мадина Бақатай, Санжар Ринатов, Сүлеймен Амирбектен құралған «Sparkle Science of chemistry» ғылыми ұйымы қатысты. Жетекшісі PhD доктор, аға оқытушы Әсем Ұзақова.

Жаратылыстану және георафия факультетінің студенттері Асылбек Мырзақұл, Ләйла Секербекова, Сабина Аққайырдан құралған «Аяла» эко-клубы қатысты. Жетекшісі педагогика ғылымдарының докторы, профессор Кульжахан Бакирова.

Педагогика және психология факультетінің студенттері Дильназ Кенжебаева, Әдемі Жұмабекова, Гүлнәз Берікқызы, Камилям Султановадан құралған «АльфаSUD» ұйымы қатысты. Жетекшісі PhD доктор, аға оқытушы Алмаш Туралбаева

Ғылыми сайыс қызықты да тартысты өтті: қазылар алқасының мүшелері сұрақтар қойып, студенттер оларға жауап берді.

Байқау қорытындысы бойынша Педагогика және психология факультетінің «АльфаSUD» ұйымы жүлделі І орынды иеленсе, II орынды Жаратылыстану және георафия факультетінің «Sparkle Science of chemistry» ғылыми ұйымы алды. Ал жүлделі III орынды Жаратылыстану және георафия факультетінің «Аяла» эко-клубы қанжығасына байлады.

Байқау қатысушылары мен жүлделі орын иегерлеріне Басқарма төрағасы-ректордың Алғыс хаттары, дипломдары мен қаржылай сыйлық жүлде қорлары табысталды.

height="240" />