«Сыбайлас жемқорлықпен бірге күресейік» ақпараттық дәрісі Филология факультетінде өткізілді

2025 жылдың 12 ақпанында Абай атындағы ҚазҰПУ Сыбайлас жемқорлыққа қарсы комплаенс-қызметі Филология факультетінің профессор-оқытушылар құрамымен кездесіп, «Сыбайлас жемқорлықпен бірге күресейік» атты тақырыпта ақпараттық дәріс өткізді.

Сыбайлас жемқорлыққа қарсы комплаенс-қызметінің жетекшісі Құрманғазы Мәдиев дәріс барысында сыбайлас жемқорлықты болдырмау мен алдын алудың маңыздылығы, күнделікті оқу процесінде жемқорлыққа жол бермеу мәселелері үнемі қадағаланып отыру қажеттігі мәселелерімен бөлісті. Дәріскер бейнероликтерден мысал келтіріп, қоғамда сыбайлас жемқорлыққа қарсы мәдениетті қалыптастырудың бағыттарын атап көрсетті.

Іс-шара барысында спикерге қатысушылар тарапынан көптеген сұрақтар қойылып, көкейдегі сауалдарына нақты жауаптар алды.

Алдағы уақытта аталған іс-шара Педагогика және психология факультетінде жалғасын табады.