Профессор Хироки Фуджидің тұрақты даму үшін химия біліміне арналған ашық дәрісі

2024 жылдың 25 қыркүйегінде Абай атындағы ҚазҰПУ химия кафедрасында Тұрақты даму мақсатында білім беру орталығының директоры және ЮНЕСКО-ның тұрақты даму үшін зерттеулер мен білім беру кафедрасының меңгерушісі, Окаяма университетінің (Жапония) профессоры Хироки Фуджи «Тұрақты даму мақсатындағы химиялық білімнің теориясы мен тәжірибесі: жоғары сыныптарға басымдық беру» тақырыбында ашық дәріс оқыды. Ашық дәріс барысында химиялық білім берудің заманауи теориялары мен тәжірибесінің тұрақты даму мақсатындағы білімге қалай ықпал ететіні, сондай-ақ оларды білім беру бағдарламаларына тиімді түрде енгізу жолдары қарастырылды. Сонымен қатар, экология мен тұрақты дамуды оқу бағдарламаларына қосу бойынша практикалық мысалдар талқыланды.

Дәріс студенттер мен оқытушыларға ғылымның жаһандық экологиялық мәселелерді шешуге қалай үлес қоса алатынын тереңірек түсінуге көмектесу мақсатында әзірленді. Сондай-ақ, тұрақты ойлауды дамытуға ықпал ететін интерактивті білім беру тәжірибесін қалыптастыруға арналған практикалық кеңестер ұсынылды.