2025 жылдың 23 желтоқсанында «Қазіргі білім берудің іргелі мәселелері контексіндегі жаңа зерттеу стратегиялары» тақырыбында халықаралық ғылыми-практикалық дөңгелек үстел өтті!

2025 жылғы 23 желтоқсанда Абай атындағы Қазақ ұлттық педагогикалық университетінің Педагогика және психология факультетінде «Арнайы педагогика» және «Жалпы және қолданбалы психология» кафедраларының докторанттарына арналған «Қазіргі білім берудің түбегейлі мәселелері аясындағы зерттеудің жаңа стратегиялары» тақырыбында халықаралық ғылыми-практикалық дөңгелек үстел өтті.

Дөңгелек үстелдің негізгі мақсаты - қазіргі білім берудің өзекті мәселелерін талдауға және болашаққа бағдарланған зерттеу стратегияларын талқылауға арналған халықаралық пікірталас алаңын құру болды.

Іс-шара барысында Үндістаннан профессор Sukhjit Singh және Қытайдан профессор Sin Kuen-Fung Kenneth ғылыми баяндамалар жасады. Өз сөздерінде ғалымдар дәстүрлі әдіснамалардың ерекшеліктеріне, ұлттық контекстің зерттеу стратегияларын таңдауға ықпалына, ғылыми зерттеу нәтижелерінің білім беру саясаты мен практикасына әсеріне, сондай-ақ цифрландыру, инклюзия, жаһандану және жасанды интеллекттің қазіргі білім беру жүйесіне тигізетін ықпалына ерекше тоқталды.

Аталған дөңгелек үстел Қазақстан Республикасы Ғылым және жоғары білім министрлігінің Ғылым комитеті қаржыландыратын ғылыми жоба аясында өткізілді
(грант № BR28712661 - Аутистік спектр бұзылыстары бар білім алушыларды кешенді үздіксіз қолдаудың ұлттық жүйесі).

Іс-шара қорытындысы бойынша «сұрақ-жауап» форматында пікірталас ұйымдастырылып, шағын топтарда миға шабуыл жүргізілді және идеялардың визуалды тақтасы арқылы жұмыс жасалды. Бұл әртүрлі ғылыми ұстанымдарды салыстырып, терең талдауға мүмкіндік берді.