Магистранттардың ғылыми-зерттеу жұмыстарының жетістіктері

ҚР ҒЖБМ бекіткен Қазақстан Республикасының жоғары оқу орындары студенттерінің және магистранттарының жыл сайынғы ғылыми-зерттеу жұмыстарын ұйымдастыру және өткізу жөніндегі ұсынымдарға сәйкес, 2025 жылдың 25 қарашасында Педагогика және психология факультетінің, Жалпы және қолданбалы психология кафедрасының «Денсаулық психологиясы және психотерапия негіздері, клиникалық психология» секциясы бойынша 7M03118 - «Денсаулық психологиясы және психотерапия негіздері», 7M03122 - «Клиникалық психология психотерапия негіздерімен» Білім беру бағдарламасы бойынша оқитын магистранттар арасында 80-ші ғылыми конференция жоғары деңгейде ұйымдастырылып, өткізілді.

Конференция барысында 1-2 курс магистранттары ұсынылған тақырыптарының өзектілігін дәлелдеп, мақсатын нақты айқындап, ғылыми-зерттеу жұмыстарының маңыздылығын көрсете білді. Ғылыми белсенділігімен, шығармашылық көзқарасымен және сыни ойлауымен ерекшеленген магистранттар: Успанова Айжан Жайыққызы, Кадыракунова Карла, Акшолакова Назым Рүстемқызы, Сисенбай Индира Жарасқызы, Куанбаева Регина Ернаровна, Аружан Тұрсынхан Берікқызы, Төлеу Жұлдыз.

Іс-шара жас зерттеушілердің ғылыми әлеуетін ашуға, жаңа жобалар мен инновациялық идеялардың танылуына зор мүмкіндік берді. Қатысушылар өз зерттеулерін көпшілікке ұсынып, кәсіби сарапшылардан құнды пікірлер мен жоғары бағалар алды. Әрбір ғылыми жұмыс өзектілігімен, жаңалығымен және практикалық маңыздылығымен ерекшеленді. Конференция жас ғалымдардың ғылымға деген қызығушылығын арттырып, олардың болашақтағы ғылыми ізденістеріне ынталандырушы күш болды.