Шетелдік студенттер Абай атындағы ҚазҰПУ
білімі және Қазақстан туралы

Абай атындағы ҚазҰПУ-нің шетелдік азаматтарға арналған және жоғарғы оқу орнына дейінгі дайындық факультетінің (Foundation) шетел азаматтарына арналған филологиялық мамандықтар және ЖОО дейінгі дайындық кафедрасында әртүрлі елдердің студенттері оқиды. Олар біздің университетімізден алып жатқан білімдері және Қазақстан туралы өз пікірлерімен бөліседі.

«Менің атым Нгуен Тхань Чунг. Мен Вьетнамнан келдім. Абай атындағы ҚазҰПУ-де магистратурада оқимын. Вьетнамдықтар: «Жолдың әр қадамы біраз даналықты арттырады»дейді. Менің армандарым үш жыл бұрын мені Қазақстанға алып келді. Мен мұнда тек орыс тілін біліп қана қоймай, басқа мәдениетте және басқа елде өмір сүру тәжірибесін үйренемін. Мұнда алғаш рет қарды көрдім!
Бұрын Вьетнамда орыс тілін мектептерде ғана үйретсе, қазір - тек ірі қалалардың университеттерінде ғана үйренуге болады. Бірақ бұл орыс тілінің күші мен маңыздылығын жоққа шығармайды. Вьетнам мен Қазақстан арасындағы қарым-қатынас кеңейіп, көптеген вьетнамдық студенттер Қазақстанға келіп орыс және қазақ тілдерін үйренетін болады деп үміттенемін».

«Мен кәріспін, Оңт. Кореядан келдім. Менің атым Юн Хесон. Неге мен орыс тілін таңдадым? Мен мектеп оқып жүріп Ресейдің Петербург қаласында болдым. Маған ресейліктердің тілдері қатты ұнап қалды: ол әуен сияқты естіледі. Сол кезден бастап мен міндетті түрде осы әуенді тілді үйренемін деп шештім
Мен арманымды Қазақстанда жүзеге асырдым. 4 курста оқимын. Тіл - бұл түрлі ұлт өкілдерін біріктіретін көпір. Ұстаздар бізді тілсіз қоғамның жоқ екеніне үйретеді. Тілсіз өмір сүру қызықсыз және қиын екенін айта кеткім келеді. Мен осында бірінші келгенде ұзақ шыдай алмаймын деп ойладым. Мен мылқау және керең адамдай болдым. Бірақ мен бұл кедергіні жеңдім, енді орыс тілінде сөйлеймін, әрине, мұғалімдеріміздің арқасында. Олардың біліміне және жылы жүректеріне рахмет айтамын!».

«Мен Қытайдан келдім. Менің атым Джан Чи, 3курста оқимын. Казахстан - ғажайып ел: мұнда жүзден астам халықтар тұрады. Мұнда екі астана бар - солтүстік Астана және оңтүстік Алматы. Алматының ауа райы қызық әйелдер сияқты тез өзгереді. Бұл жақта барлық жеңіл машиналар таси сияқты жұмыс істейтіні мені таң қалдырды.
Мен үшін орыс тілі - қызықты және өте таңқаларлық тіл: ережелер бар, бірақ осы ережелерге ерекше мән берілмейді. Мен сөздікте жоқ орысша сөздерді үйрендім. Мысалы: «братан, красавчик, круто» және т.б.. Әрине, бұл қалжың. Шындап келсек, орыс тілі өте бай, әсіресе оның грамматикасы. Алдымен жаңа сөздер мен грамматикалық ережелерді есте сақтау қиын болды, бірақ қазір орыс тілі менің өмірімнің бір бөлігіне айналды».

«Менің атым Арифе Садат Джалали, Мен Ираннан келдім. Дайындық тобында орыс тілін оқимын. Мен Казахстанға жалғыз келген жоқпын, Менің отбасымда осында. Бұл маған шынымен көмектеседі.
Қазақстанда әр түрлі ұлттардың бір-бірін қалай құрметтейтінін көрдім. Қазақстандықтардың мерекелерді қалай атап өтетінін көрдім. Мерекелердің арқасында мен Қазақстан туралы, қазақ халқының тарихы мен мәдениеті туралы көп нәрсені білдім. Өйткені, тіл - мәдениеттің бір бөлігі.
Бұл мен үшін тамаша өмір мектебі. Қазақстанға осындай керемет сабақ үшін рахмет!».

«Мен Тәжікстаннанмын. Менің аты-жөнім Хусаинов Сидик. Орыс тілін үйреніп жүрмін. Бұл таңқаларлық емес, себебі Қазақстандағы орыс тілі этносаралық қарым-қатынас тілі болып табылады және оған үлкен көңіл бөледі. Орыс тілімен бірге біз «Елтану» сабағын өтеміз, онда біз Қазақстанның тарихымен, мәдениетімен және салт-дәстүрімен танысамыз. Менің ойымша, елдер арасындағы бейбітшілік пен келісімді басқа адамдардың мәдениетін білмей-ақ қабылдамай-ақ білу мүмкін емес деп санаймын».

«Мен 4 курс студентімін. Менің атым Сапабеков Адильбек, Мен түркменнен келген қазақпын. Алдымен турист ретінде келдім.Содан кейін орыс тілін үйренуді қаладым, себебі мен қазақ тілін жақсы білемін, ал орыс тілін жақсы жұмыс табуыма көмектеседі деп үміттендім. Мен Абай атындағы ҚазҰПУ -ды тағдадым, себебі ол Қазақстандағы ең алғаш ЖОО және маған аты қатты ұнады. Дұрыс таңдау жасадым деп ойлаймын.
Біздің университетте тек қана тіл үйреніп қана қоймай, әр түрлі іс-шараларға қатысамыз: конференцияларда сөйлесеміз, экскурсияға барамыз, би билейміз, ән айтамыз. Сізді біздің университетте оқуға шақырамын!».

Шетел азаматтарына арналған филологиялық мамандықтар және ЖОО дейінгі дайындық кафедрасы

Кафедраның халықаралық ынтымақтастық жөніндегі үйлестірушісі проф. Б.С.Балғазина