Профессор Б.С.Жұмағұлованың Германиядағы ғылыми тағылымдамасы

Филология ғылымдарының докторы, Абай атындағы Қазақ ұлттық педагогикалық университетінің орыс тілі мен әдебиеті кафедрасының профессоры Бақытгүл Сәкенқызы Жұмағұлова Бремен қаласында (Германия) «Болашақ - 500 ғалым» бағдарламасы бойынша Constructor University базасында ғылыми тағылымдамадан өтуде(кезең - 2025 жылғы 1 қыркүйектен 2026 жылғы 30 тамызға дейін).

Тағылымдама оқытуда және ғылыми зерттеулерде жасанды интеллектті пайдалануды қоса алғанда, заманауи білім беру технологияларын зерделеуге және енгізуге бағытталған. Бағдарламаға Foundation Research Skills, Data Analysis, World in data, modern Approach to Pedagogy Using Digital Tools, Research Tools және т.б. модульдер кіреді.

Ғылыми жұмыстың негізгі бағыттары:
- білім берудегі бейімделген оқыту платформалары;
- аналитикалық дағдыларды дамыту үшін генеративті модельдерді (ChatGPT, Claude және т. б.) қолдану;
- сандық және сапалық зерттеулерде ЖИ қолдану;
- инклюзивті оқытудағы ЖИ мүмкіндіктері.

Constructor University-дегі тағылымдама озық шетелдік тәжірибені зерделеуге, халықаралық ғылыми қоғамдастықпен идеялармен алмасуға және білім беру саласындағы инновациялық тәсілдерді сынақтан өткізуге бірегей мүмкіндік береді.

Күтілетін нәтижелер:
- білім беруде ЖИ қолданудың шетелдік тәжірибелерін жалпылау;
- оқу процесіне ЖИ енгізу бойынша әдістемелік ұсынымдар әзірлеу;
- халықаралық журналда ғылыми жарияланым дайындау;
- білім беру ортасында гуманитарлық және технологиялық бағыттардың өзара әрекеттесу моделін құру.

Алынған білім мен тәжірибе Абай атындағы ҚазҰПУ-да жаңа оқу курстары мен зерттеу жобаларын әзірлеу кезінде, сондай-ақ магистранттар мен докторанттарды даярлау кезінде пайдаланылатын болады.