Abai University оқытушылары «Жазғы институт-2025» халықаралық жобасына қатысты

   Орыс тілі мен әдебиеті кафедрасының оқытушылары Әсел Абзалқызы мен Динара Базарханқызы Умарова Ресейдегі бірнеше жетекші университеттер негізінде ұйымдастырылған «Жазғы институт - 2025. Жастар. Ғылым. Болашақ» халықаралық білім беру жобасына қатысты.

   Екі апта бойы 8 елден келген 25 оқытушы мен жас ғалым бес ғылыми-білім беру жобасын жүзеге асырды, дәрістер мен семинарларға, шеберлік сыныптарына және экскурсияларға қатысты. Сонымен қатар, Мәскеу мен Санкт-Петербургтің жетекші университеттерінде тағылымдамалар өтті.

  Жоба Abai University оқытушыларына Ресейдің ғылыми-білім беру ортасына еніп, халықаралық тәжірибе алмасып, заманауи оқыту әдістемелерімен танысуға мүмкіндік берді. Мәдени бағдарлама аясында қатысушылар Псков облысының тарихи және мәдени нысандарымен танысты.

  «Жазғы институт» халықаралық академиялық ынтымақтастық пен кәсіби дамудың маңызды алаңы болды.