Дизайн кафедрасында студенттер мен магистранттардың 80-ші ғылыми конференциясы өтті

2024 жылғы 24-25 қараша аралығында Өнер факультетінің Дизайн кафедрасында студенттер мен магистранттардың 80-ші ғылыми конференциясы өтті. Іс-шара ғылыми-зерттеу жұмыстарының нәтижелерін талқылауға, жас ғалымдардың шығармашылық және ғылыми әлеуетін дамытуға бағытталды.

Конференцияға бакалавриат бағдарламасы бойынша 31 баяндама, ал магистратура бағдарламасы бойынша 22 баяндама қабылданып, қатысушылар өз зерттеу жұмыстарын көпшілік назарына ұсынды.

Баяндамашылар ғылыми жетекшілерімен бірге қазіргі кезде өзекті болып отырған тақырыптарды жан-жақты қарастырып, зерттеу нәтижелерін ғылыми негізде ұсынды. Конференция барысында тыңдаушылар тарапынан мазмұнды сұрақтар қойылып, ғылыми пікір алмасу жоғары деңгейде өтті. Іс-шара жас зерттеушілердің ғылыми мәдениетін қалыптастыруға, академиялық ортадағы ынтымақтастықты арттыруға және кафедраның ғылыми қызметін ілгерілетуге өзіндік үлесін қосты.