2025 жылдың 7 қарашасында Педагогика және психология факультетінің педагогика кафедрасы педагогикалық тәжірибе аясында Алматы облысы, Іле ауданы №17 жалпы білім беретін мектеп директоры М.А., Бурибаева бастаған ұстаздар қауымы: Тилемисова М.Х., Шарбатова А.Б., Копабаева М.Е. "Бала мінезіндегі өзгеріс - отбасы тәрбиесінің көрінісі" тақырыбында өзіндік тәжірибелерімен бөлісті. Іс-шараның мақсаты - болашақ педагогтардың кәсіби құзыреттіліктерін дамыту, оқыту әдістемесінің негіздерін меңгерту, педагогикалық қызметке деген қызығушылық пен уәждемені арттыру болды.
Іс-шара барысында отбасы мен мектептің өзара әрекеттестігі, бала мінезіндегі өзгерістер, білім беру ұйымдарындағы буллинг - қоғам қасіреті, үштік одақ (отбасы - мектеп - бала) құру секілді өзекті мәселелер талқыланды.
Іс-шараға педагогика кафедрасының профессор оқытушылар құрамы., деканның оқу ісі жөніндегі орынбасары және «6В01 - Педагогикалық ғылымдар» (Тарих, физика, математика және информатика) білім беру бағдарламасы бойынша оқитын 2 курс студенттері қатысты. Студенттер қоғамдағы өзекті мәселелердің мектеп пен отбасы арасындағы байланысты дұрыс ұйымдастырудың негізін түсінгендерін, бұл тақырыптан алған ақпараттардың пайдалы болғандығын айтып, өзіндік рефлексияларын жасады. Шара соңында университет атынан мектеп мұғалімдеріне алғыс хаттар табысталды.