2025 жылғы 18-22 қараша аралығында Астана қаласында өтетін XXVIII халықаралық «Шабыт» шығармашыл жастар байқауына Абай атындағы Қазақ ұлттық педагогикалық университетінің Өнер факультетінің шығармашылық ұжымдары мен оқытушылары қатысты.

Байқау Қазақстан Республикасының Мәдениет және ақпарат министрлігі, Астана қаласы әкімдігі және Қазақ ұлттық өнер университетінің қолдауымен ұйымдастырылды. Халықаралық деңгейдегі бұл мәдени іс-шара жас орындаушылар мен өнер иелеріне тәжірибе алмасуға және шығармашылық әлеуетін танытуға мүмкіндік берді.

Университетіміздің өкілдері байқауға келесі номинациялар бойынша қатысу көрсетті:

«Фольклорлық ұжым» - «Алаш» студенттік ансамблі

«Хор дирижері» - «Абай» студенттер хоры

«Камералық хор» - «Абай» студенттер хоры

«Бейнелеу өнері (живопись, графика)» - Өнер факультетінің профессор-оқытушылар құрамы

Өнер факультетінің ұжымдары мен оқытушыларына шығармашылық табыс тілейміз.