Абай университетінде халықаралық сарапшының қатысуымен әдістемелік семинар өтті

2025 жылғы 25 қыркүйекте Абай атындағы Қазақ ұлттық педагогикалық университетінде ЮНЕСКО кафедрасының Педагогикалық инновациялар және Action Research орталығының ұйымдастыруымен «Практикаға бағытталған зерттеулер негізінде білім сапасын арттыру: Lesson Study және Action Research тәжірибесі мен перспективалары» тақырыбында жалпыуниверситеттік әдістемелік семинар өтті.

Іс-шараның негізгі мақсаты - педагогикалық практикада зерттеу негізінде оқыту сапасын арттыруға ықпал ететін инновациялық тәсілдерді таныстыру және тәжірибе алмасу болды.

Семинардың негізгі спикері - Экономикалық ынтымақтастық және даму ұйымының сарапшысы, білім беру психологиясы саласындағы халықаралық деңгейдегі маман, АҚШ-тан келген доктор Клеа Фернандес. Ол өз баяндамасында Lesson Study және Action Research әдістерінің артықшылықтарына жан-жақты тоқталып, бұл тәсілдердің жоғары оқу орындарына енгізілуінің маңыздылығын атап өтті.
Семинар барысында қатысушылар педагогикалық зерттеу жүргізу, оқыту әдістерін жетілдіру және білім сапасын арттыру мәселелерін талқылады. Сонымен қатар, ментор-зерттеушілерге арнайы сертификаттар табысталды.

Аталған іс-шара кәсіби пікір алмасу алаңына айналып, университетімізде білім беру саласындағы инновациялық әдістемелерді дамытуға серпін берді.

Семинар қорытындысында қатысушылар ұжымдық фотосуретке түсіп, алдағы бірлескен жобалар мен ғылыми-зерттеу жұмыстарына ниет білдірді.

Музыкалық білім беру және хореография кафедрасының педагогика ғылымдарының кандидаты, профессор м.а. Какимова Лаура Шариповна да белсенді қатысып, сертификатпен марапатталды.