
Өнер факультеті |
20.11.2025
Түркі халықтары мәдениеті мен өнерін дамытуға бағытталған халықаралық ынтымақтастық
2025 жылғы 18 қарашада Қоқан мемлекеттік университетінің «Өнер және спорт» факультеті мен Абай атындағы Қазақ ұлттық педагогикалық университеті бірлесе отырып «Өзбек және қазақ музыка білімін оқытуда шетелдік тәжірибелерді қолдану» тақырыбында халықаралық онлайн вебинар өткізді.
Шараға екі университеттің жетекші профессор-оқытушылары қатысты. Вебинар барысында музыка теориясы, өнер педагогикасындағы инновациялық әдістер, шетелдік тәжірибелерді білім беру үдерісіне енгізу, сондай-ақ түркі халықтарының ортақ мәдени мұрасы жөнінде мазмұнды баяндамалар жасалды.
Сонымен қатар, вебинарға Қазақстанның еңбек сіңірген қайраткері, "Өнер" ғылымының профессоры Ерболат Жұмашұлы Мұстафаев қатысып, өз тәжірибесімен бөлісті. "Қоқан мемлекеттік университетінің шақыруымен мен де түркі халықтарының мәдениеті мен өнері бойынша лекциялар циклын жүргізіп келемін. Бұл бастама екі оқу орны арасындағы ғылыми-академиялық байланысты нығайтуға бағытталған маңызды қадам болып табылады", - деп айта кетті. Оның қатысуы ғылыми пікірталастың мазмұнын тереңдетіп, шараның маңызын арттырды.
Алдағы уақытта тараптар профессор-оқытушылар тәжірибесін алмасу, бірлескен ғылыми жобалар әзірлеу, академиялық ұтқырлықты кеңейту және халықаралық ғылыми іс-шараларды тұрақты өткізу бағыттарында өзара ынтымақтастықты жалғастыруды жоспарлап отыр.
Бұл әріптестік түркі әлемінің мәдени мұрасын терең зерттеуге, білім сапасын арттыруға және жас зерттеушілерге жаңа ғылыми мүмкіндіктер ашуға жол ашады.
Кері оралу |
|
050010, Қазақстан Республикасы
|
Кеңсе: 291-48-74, 291-37-23 (факс) 8 (727) 390 60 05
Қабылдау комиссиясы/Call-центр: 8 (727) 390 60 04 8 (700) 390 60 04 8 (727) 291 57 68
Азаматтарды жеке мәселелері бойынша қабылдау
|
«Шапағат» студенттерге цифрлық қызмет көрсету орталығы Кірушілер статистикасы
|