Магистранттар педагогикалық практика барысында Заманауи сабақ өткізді

2025 жылғы 13 қарашада 7М01404 - «Дене шынықтыру және спорт» білім беру бағдарламасы бойынша «Дене шынықтыру теориясы және әдістемесі» кафедрасының 2-курс магистранттары Ербол Хулпыр және Нұрланұлы Алмат педагогикалық практика барысында «Жүйке жүйесі мен сезім мүшелерінің функциональдық анатомиясы»және «Ішкі мүшелердің функционалдық анатомиясы» тақырыптарында практикалық сабақтар өткізді.
Сабақтың мақсаты:
Жүйке жүйесінің құрылымы мен қызметін түсіндіру, сезім мүшелерінің анатомиялық және функционалдық ерекшеліктерін ашып көрсету, сондай-ақ адам ағзасындағы жүйке реттелуінің дене жаттығулары кезіндегі маңызын анықтау. Сонымен қатар студенттерге ішкі мүшелердің құрылысы, орналасуы және қызметі туралы толық түсінік беру, анатомиялық терминдерді дұрыс қолдануға үйрету көзделді.
Сабақ барысында магистранттар заманауи педагогикалық технологиялар мен интерактивті әдістерді тиімді пайдаланды:
• Топтарға бөлу: ClassDojo, wordwall.net, wayground.com платформалары;
• Тақырыпты ашу: wordwall.net, wayground.com, jeopardylabs.com сайттары;
• Сабақты бекіту: Wordwall платформасы;
• Өзін-өзі бағалау: ClassDojo платформасы.
Сабаққа кафедраның профессор-оқытушылары Л. Орынбаева, Қ. Гайсина, Г. Еранова, Ж. Әмитова қатысып, педагогикалық практика барысында магистранттардың кәсібилігі мен белсенділігін жоғары бағалады.
Өткізілген сабақ студенттердің пәнге деген қызығушылығын арттырып, білім беру үдерісінде инновациялық әдістерді тиімді пайдаланудың жарқын үлгісі болды.