Бүгінгі студент, ертеңгі маман, болашақ ғалым

Болашақ мамандардың ғылыми ойлауы мен шығармашылық қабілеттерін және ғылыми-зерттеу жұмыстарына белсене араласу дағдыларын дамыту.
Дөңгелек үстелге кафедраның аға буын профессор-оқытушылары мен «6В01404 - Дене шынықтыру және спорт» мамандығының бітіруші курс студенттері қатысты. Дөңгелек үстел ғылыми-сұхбат форматында өтті.
Ғылыми сұхбатқа, Е.К.Уанбаев - п.ғ.к., қауымдастырылған профессор, Н.Төлегенұлы - Дене мәдениетінің теориясы мен әдістемесі кафедрасының меңгерушісі, PhD, аға оқытушы және кафедраның магистр, аға оқытушылары Г.И.Казахбаева және М.И. Адильжанова қатысты.
Кездесу барасында кафедраның тәжірибелі, білікті мамандары, ғалымдар өздерінің іс-тәжірибелерімен бөлісіп, бітіруші курс студенттеріне ғылыми жұмысқа байланысты бағыт-бағдар беріп, ғылыми кеңестер айтты. Білім алушылар да өз тараптарынан өздерін қызықтыратын сұрақтарына жауап алды.
«Үлкеннің жолы - ұлылық, ұрпағы жүрер ұғынып» дегендей кездесу соңында студенттер бүкіл саналы ғұмырын ел игілігіне, жастардың жарқын болашағына арнаған кафедраның профессор-оқытушыларына алғыстарын айтып, жылы лебіздерін білдірді.