Алматы қаласы, Алатау ауданы, №26 жалпы білім беретін мектепте шеберлік сабағы өтті

2025 жылғы 21 қарашада Алматы қаласы Алатау ауданы №26 жалпы білім беретін мектепте Абай атындағы Қазақ ұлттық педагогикалық университетінің профессоры Жаманқараев Серғазы Құсайынұлы «Білімдінің сөзі - ем, мейірімі көп, өзі кең» атты эстетикалық пәндер бойынша шеберлік сабағын өткізді.

Шараның негізгі мақсаты - оқушылардың шығармашылық қабілеттерін дамыту, өнерге деген қызығушылығын арттыру және эстетикалық тәрбие беру бағытындағы білімін кеңейту болды. Профессор оқушыларға көркемдік ойлау, шығармашылық ізденіс және өнерді терең түсіну жолдарын көрсетіп, тәжірибелік тапсырмалар арқылы олардың өзіндік көзқарасын қалыптастыруға жетекшілік жасады.

Шеберлік сабағы оқушылардың белсенді қатысуымен жоғары деңгейде өтіп, жас өнерпаздардың шығармашылық тұрғыдан шыңдалуына айтарлықтай үлес қосты.