Абай университетінде терроризмге қарсы оқу-жаттығу өткізілді

Террористік тұрғыдан осал объектілерді терроризмге қарсы қорғау туралы Ережеге сәйкес, 2021 жылдың 21 қазанында университетте Педагогика және психология институтының №3 оқу ғимараты базасында «Оқу ғимаратында террористік сипаттағы қауіп туындаған кезде университет басшы құрамының, қызметкерлері мен студенттерінің іс-әрекеттері» тақырыбы бойынша терроризмге қарсы оқу-жаттығуы өткізілді.

Университет басшылығының негізгі міндеті қызметкерлер мен студенттерді террористік қауіп кезінде өзін-өзі ұстау ережелеріне, оқу ғимаратынан қауіпсіз эвакуациялау әдістеріне оқыту болды.

Оқу іс-шарасының мақсаты орындалды, оқытушылар мен студенттер төтенше жағдайлар туындаған кезде қолданылатын іс-қимылдың практикалық дағдыларын алды.