Зайырлылық - Конституциялық құрылыстың негізі ретінде

2023 жылдың 7 желтоқсанда Абай университеті Тарих және құқық институты саясаттану және әлеуметтік-философиялық пәндер кафедрасының оқытушысы Нұрлан Орынбеков және Ұлттық тәрбие орталығының жетекшісі Бақытжан Сапаров Алматы гуманитарлы-экономикалық университетінің «Экономика, қызмет көрсету және құқық» кафедрасы студенттері үшін «Зайырлылық - Конституциялық құрылыстың негізі ретінде» тақырыбында қонақ дәріс өткізді.

Дәрісте Қазақстандағы зайырлылық ұғымына, қазақ дәстүріне, оның құндылық бағдарына баса назар аударылды. Өткен және қазіргі отбасылық құндылықтарға көптеген мысалдар келтірілген. Студенттерге ұлтжандылыққа, отаншылдық пен салт-дәстүрімізді құрметтеуге үлкен мән беру қажет екені айтылды. Дәріс үлкен қызығушылықпен тыңдалды, студенттер көптеген сұрақтар қойды. Бұл дәріс студент жастар үшін үлкен тәрбиелік мәнге ие болды.