Саясаттану және әлеуметтік-философиялық пәндер кафедрасы мектеппен байланыста

2023 жылғы 10 сәуірде Тприх және құқық институты саясаттану және әлеуметтік-философиялық пәндер кафедрасының оқытушылары Ниязбеков Серік, Ержанов Еркебұлан, Кудабаев Шыңғыс, Агибаев Али, Карибаев Олжас, Аманкелді Дәурен Алматы қаласы №98 орта білім беру мектебінде болашақ талапкерлермен кәсіби бағдар бойынша кездесу өткізді. Кездесу барысында мектеп бітірушілерге мамандық таңдау, болашақ мамандықтарының қыр-сырларын талдау, кәсіби маман болу үшін қажетті қабілеттерді дамыту сияқты ауқымды тақырыптарды түсіндіріп өтті. Мектеп бітірушілері өздерін алаңдатып жүрген сұрақтарына жауап табуға мүмкіндік алды. Кафедра оқытушылары алдағы уақытта да мектеппен байланыс шараларын, мамандық таңдау сияқты өзекті мәселелерді түсіндіру мақсатында болашақ талапкерлермен тығыз байланыс орнатуды одан ары дамытпақ.