қазақша · русский · english
   
  Главная / Новости
05.09.2014

« Сорбонна -Қазақстан» институты ашылды.

 

Абай атындағы Қазақ ұлттық педагогикалық университеті базасында Сорбонна - Париж сити француз университетінің «Сорбонна -Қазақстан» институтын ашу туралы 2013 жылғы 17 қыркүйекте екі оқу орыны басшылары Мемерандумға қол қойған еді. Осы келісім-шартқа байланысты 2014 жылы Абай атындағы ҚазҰПУ-да тұңғыш «Сорбонна -Қазақстан» француз институты ашылып отыр. Аты әлемге әйгілі Сорбонна - Париж сити университетінің құрлымы бұрын Біріккен Араб Әмірлігінде ғана ашылған болса, енді Қазақстанда ашылуы ел өміріндегі елеулі оқиға. Бұл бастаманы Президентіміз Нұрсұлтан Әбішұлы Назарбаев қолдап отыр. Үкімет 60 мемлекеттік оқу грантын бөлгізді. Үстіміздегі алғашқы оқу жылында «Сорбонна- Қазақстан» француз институтының магистратурасына «Халықаралық қатынастар» және «Менеджмент» мамандығы бойынша 60 адам оқуға қабылданып, оның бәрі мемлекеттік грантқа ие болды. Алдағы уақытта бұл оқу орнында педагогика, әлеуметтану, саясаттану, сәулет және дизайн мамандары даярланатын болады. Сондай-ақ болашақта «Сорбонна-Қазақстан» француз институтында Қазақстан жастары ғана емес, Өзбекстан, Қырғызстан, Тәжікстан, Түрікменстан республикалары жастарының да француз тілінде білім алуына кең жол ашылды.
Бұл оқу орнын бітіргендер ертең «қос диплом» бағдарламасы бойынша Қазақстанның да, Францияның да дипломдарын алып шығады.
Осы атқарылып отырған нақтылы іс-шаралардың бәрі Абай атындағы ҚазҰПУ-дің Болон (Италия) конвенциясының талаптарына сәйкес және әлемдік білім кеңістігіне ену мақсатында туындап отырған үдеріс.
2014 жылғы 3 қыркүйекте Абай атындағы Қазақ ұлттық педагогикалық университеті жанындағы тұңғыш «Сорбонна-Қазақстан» француз институтының ашылу салтанаты болды. Оқу орнына жаңа түсіп отырған магистрантар мен франциялық профессор-оқытушыларды Абай атындағы ҚазҰПУ ректоры, профессор Серік Жайлауұлы Пірәлиев, Франция Республикасының Алматыдағы бас консулы Патрик Ренар, институт директоры, профессор Гүлмира Болатқызы Нұрлихина және басқалар құттықтады.
Оқуға жаңа түскендерге салтанатты жағдайда сертификаттар тапсырылды.

 

Ақпарат орталығы

Фотосуреттерге сілтеме



647

Вернуться назад

 
 
 
 
Besucherzahler
 
Besucherzahler